The Buzz Magazine
The Buzz Magazine

الحب الغير مشروط

بقلم الكاتبه ولاء خلف الله

الكاتبه ولاء خلف الله

هو ببساطة الحب الدائم الغير مرتبط بصلاح الشخص أو استحقاقه لحبك..بيكون في أوضح صوره مع الناس اللي من دمك..أبوك وأمك وأولادك
بتحبهم في كل حالاتهم..مهما تعبوك وضايقوك مش هتستحمل عليهم حاجة وحشة..ولا تقدر تبعد عنهم

بيكون في علاقات تانية بس بنسب متفاوتة..ممكن يقل أو يزيد على حسب نفسيتك ودرجة تقبلك لاختلافك عن باقي البشر

ساعات كتير بنسأل اللي بيحبونا انتوا بتحبونا ليه؟ الحقيقة السؤال دا مش صح أبدا..لأن لو في إجابة على السؤال دا بتكون معناها الضمني اني بحبك حب مصلحة..
بحبك عشان انت بتريحني..بحبك عشان انت فاهمني..بحبك عشان بتسمع كلامي..بحبك عشان شبهي

طب لو الحاجات دي اتغيرت او فجأة بقت مش موجودة..هتبطل تحبني يعني؟؟ الحقيقة ان الاجابة من غير ماتتصدم: آه هبطل أحبك..مع انه ممكن يكون شايف انك بتتغير فعلا وبتتحسن..

الحب الحقيقي في أي شكل من أشكال العلاقات بيكون مبني على التقبل ..يعني انا بحبك وبس..من غير ليه..حتى وانت مزعلني بحبك..بكره فيك صفات معينة وبحاول أظبطها لكن لو معرفتش ..بردو هتعامل وأصبر ..

الشخصيات اللي بتقبل وبتسامح وبتصبر وبتقدر اللي معاها وبتشوف الحلو قبل الوحش..هي أكتر الشخصيات اللي بتقدر تعمل علاقات ناجحة وطويلة مع غيرها
أما الشخصيات اللي عاوزه تحبك بشروط وتعد عليك المرات اللي غلطت فيها ..وتحاسبك على الحركة والهمسة والفكرة..الشخصيات اللي بتقعد قصادها تفكر في الكلام قبل ماتقوله أحسن يزعلوا ويحاسبوك..دول ربنا يعينهم..ويعين أي شخص قريب منهم

إشترك في نشرتنا الإخبارية
اشترك معنا للتوصل بآخر الأخبار، المقالات والتحديثات، ترسل مباشرة لبريدك الإلكتروني
يمكنك سحب اشتراكك متى شئت

اترك رد

لن يتم نشر عنوان بريدك الإلكتروني.