نثر بقلم الكاتبة والشاعرة اللبنانية جسي مراد
قد ابكى قلوب كثيرين من المتابعين والمتابعات….
فهو مؤثر جداً وكلماته وفواصله عميقة وجميلة جداً . سنعرض لكم اليوم نثراً وحوار. عن فقدان الام..للكاتبة والشاعرة المتألقة جسي مراد ..نتمنى لكِ التوفيق والنجاح عزيزتنا جسي الناعمة والمبدعة…. :
لقد ابدعت كثيرا في هذا النثر الذي اوجعت حروفه قلوبنا بل دخلت الى روحنا دون استئذان…..
أنتِ جسي مراد الذي تبدع في مقالاتها دائماً وتزين الحروف بحبٕ وعفوية وحنين..
هذا النثر نقاطه عذباء موجعة…
شَب التقى بحبيبتو من بعد سنين….
عاتبتو بدموع ولهفة وشوق دفنت حُب سنين ..
نظراتُن وحدها بتفَتح الجروح…
بتسألو :الكلمة وين بعدا مخباية؟ بيدمع وبيقلها: الكلمة بعدا محفورة تحت قبر امي… قبر امي لتراباتو عم يكوي الجمر….والشمعة يلي شتت نارا بدموع… دموعا فاشت ع كتاف الورد…. الودر يلي بكي يوميّي ع قلبا لأمي….قلبا انحرق ولما انحرق…نجماتو خطفت البسمة مني ….وحَفرت ع باب السما اسم امي…. ايدي وشْما تشققت خيطانو…. وعروق شرياني تجمدت من كتير البكي… مبارح ركعت صليت ع فجر صبحك…
دعيت تألمحك قبالي لو لمرة بحلمي…. آخ يا امي آخ …
عم لاقي جمرة عروقك عم تحرق حالا بترابات قبرك … افتحيلي باب سماكي دخلك… خليني اجي المس وجعك….توجعك يلمسني…
خديني لعندك شي..مشوار….مشوار بعيد عن هالارض الفقيرة .. فقيرة من الافراح ومليانة من الاحزان … بكرا رح اقطع .. دراجك الصعبة يا امي. .. تأهديكي وردة … لون حبي بيبقى ابيض من لونا … ولون الموت يلي فيي بيبقى اسود…سوادو غطى القمر بشالك.. هالشال المطرز برموش بقيت مكسورة… امي يا ريت فيي اركض لعندك مسافات…تأوصل ع درب السما بكير… بكير عليي الموت بعرف … بس حياتي بلاكي ما اسما حياة… رح نزل النجمةتنصليلك سوا ..
ونغفى ع قبرك وندعيلك بخشوع…بركي شي غيمة من غيوم السما تزين الورد لتيبس بسفينة حلاكي… وبشريان روحي الاشواك تموج… قربي يا امي لقلبي بعد قربي.تشد اكتر عالغمرة وبخمرات شفافك اسجن الأنين . …!!!! لا تتركيني هون وحيد.. وينساني الحنين جوعان بأشواقي رح سافر بكرا ع قبرك انا ومخنوق… تعمر بيتي حد بيتك … واغمر حجار لغافية ع صدرك…. وقلك بقلب غصت حروفو وصفى موجوع:وداعاً يا كل الدني… وداعاً….وداعاً يا “امي”
تأثرت كتير حبيبتو…
وما قدرت تكفي ولا تحكي…
قربت لعندو وغمرتو:
“رح كون هون حدك “..لآخر هالعمر ….
جسي مراد