The Buzz Magazine
The Buzz Magazine

الممبار الخطير

الشاف سالي هاني

الممبار الخطير
الممبار الخطير

بيتحشي نفس خلطة المحشي.. بس مش بالظبط. بتكون ني ف ني.. يعني الطماطم بنخرطها مكعبات صغيرة
والبصل يتخرط بالكبة او ايدك.. والشبت والكسبرة
وفصوص توم مفرومة او مهروسة
وملعقتين صلصة وقرن فلفل مقطع مكعبات ص
وملعقتين زيت فوق الخلطة.. وملح وبهارات
طبعا المنبار بعد ما اتنظف وبقي تمام أو جبتيه متنظف جاهز.. بيتغسل كويس.. تحطيه ف حنفيه الحوض وتفتحيها… وكأنك مركبة خرطوم ف الحنفيه.. تمام كده.. مش بنشيل الدهن ال عليه ونرميه ال اذا كان زاااااايد اوي بنخفه.. تمام كده.. بنخلي الطبقة ال عيها الدهن هي ال جوه نقلبه.. بيتقلب بسهوله بحتة خشبة او حديده او عصاية صغيرة.. المهم بتكون جوه عشان تدخل ف تسوية خلطة الرز وتظبط الطعم
تعالو بق نحطة ف الحلة عشان نطبخه
بحط مية كتير ف الحلة واحط فص حبهان وورقة لوري وربع معلقة فلفل اسمر وفصين توم مفتوح من النص بالطول.. واول اما المية تغلى انزل المنبار.. ميكونش محشي اوي.. يبقى مهوي شويه وكمان سايبة اد عقله بدون حشو من كل طرف.. واظبط الملح.. وبيفضل ع النار ساعه ساعه ونص.. وبألف هنا.. وشوربته بتبقى لذيييييذة
لو حسيتي ان الدهن خفيف اوي وعندك حتة لحمة مفرومة حطيها ف الخلطة

إشترك في نشرتنا الإخبارية
اشترك معنا للتوصل بآخر الأخبار، المقالات والتحديثات، ترسل مباشرة لبريدك الإلكتروني
يمكنك سحب اشتراكك متى شئت

اترك رد

لن يتم نشر عنوان بريدك الإلكتروني.