محتوى تحليلنا لليوم منطقي وجداني بيخبرنا عن تجربة صارت وتكونت بقصة…
مرة كان في بيّ وبنتو…
البيّ كان مشغول وفالل من بيتو
والبنت بدا تروح تلعب مع رفقاتا.
وامها ما كانت بالبيت كانت بشغلا.
بيطلب البيّ من بنتو أنه تخلي شباك الأوضة مسكر وما تفتحو تما يفوتو الحشراتو…ما ردت ولا تفاعلت للأمر هزت براسا متل كأنو ما فهمت عليه كتير لأنه كانت زغيرة حبت تختبر وتشوف ليش ما بدا تفتح الشباك لأنه كان في شوب كتير….
قامت فتحتو وركضت وفلت من البيت تتلعب بالطابة…
بعد وقت قصير بيرجعو الأهل سوا عالبيت وبيلاقو الأرض كلا حشرات زغيرة وكبيرة ..
بيصير يصرخ البيّ ويقول :
شو هالبنت بلا ضمير بلا فهم..ما بترد …
قلتلا مية مرة ما تفتح الشباك فتحتو وليش ما بعرف بس ترجع بدي
اقتلا .هون وقفت مرتو وواجهتو وقالتلو :
“انتبه يا رجال انتبه دعاس ع راس الحجر وما تدعس راس الحية تما تلدعك بقوة وتكسحك …حاسب نفسك بنفسك وما تحاسب نفسك بنفس غيرك ..ما تخلي الاذية تطبق ع مجرد تجربة مرقت فيا وع غلطة زغيرة علمتك درس كبير …
والدرس الافضل كان من بنتك …الغلطة معك غلطين لأن ما قفلت الشباك من الاول لهيك آخدت القصة بخوف وغضب بينما اوقات السكوت والتصرف اهم بكتير من الحكي “الحكي وحدو ما بينفع بس لما تنفذ كل شي قادر تحكي بتصير الاشيا صح ..وما بتعود تتكرر بنتك علمتك تجربة كبيرة اليوم أنه اختبرتك وعرفت كل شي صار بلا ما تقول ولا تسأل حتى….
حط براسك هالمتل يلي بيقول وبيعلم :
“اللي بيكبر فشختو بيوقع “
وجرب نفذو بينك وبين حالك
تيكون الك خبرة بتمشي فيا
ع كل دروبك فشخة وراها فشخة…
بلا ما تتفركش بنص الطريق..