الشاف سالي هاني
المقادير:
اربع كوب دقيق
كوب زيت
معلقه كبيره خميره فورية
معلقه كبيره سكر
رشه ملح
كوب حليب دافي
للحشوه:
كوب الا ربع سميد
كوب الا ربع سكر
تلات معالق كبار قرفه
الشربات:
كوبين سكر
كوب وربع ميه
عصر نص لمونه
فانيلا
للوش سمسم
الطريقه:
هنبس الدقيق كويس جدااا بعد مانحط عليه الخميره والسكر والملح بالزيت وونزل بالحليب دافي حبه حبه لما تلم العجينه بتبقي طريه وناعمه زي عجينه القراقيش كده هنقسمها نصين قد بعض ونغطيها تخمر
الحشوه:
هنحط السميد عالسكر عالقرفه وهزود ميه بسيط لغايه لما تبقي عامله زي الرمل المبلول كده
هنجيب صينيه مقاس ٢٦ هنفرد نص العجينه ونحط الحشوه عليها ونفرد بقيه العجينه عالرخامه قد الصينيه ونحطها فوق الحشوه ونقفل كويس ونقطعها بالسكينه مربعات نسيبها تخمر ربع ساعه ونكون ضاربين بيضة مع شويه حليب ورشه فانيلا وندهن الصينيه كويس وعالوش سمسم وندخلها فرن سخن ١٨٠ لما تستوي وتحمر وشها وتطلع نسقيها شربات دافي ونغطيها بقي شويه تتشربه وبالف هنا