الشاف سالي هاني
المقاديـــــــــــــر:
كوب قمح مقشور
كيلو لبن
كوب سكر
فانيليا حسب الرغبة
الطريقــــــــــــــة:
هتغسلى القمح كويس جدا وتسلقيةعلى النار حوالى نص ساعة كدة او لحد مايستوى يعنى بس متهريهوش
صفية وضيفى علية اللبن والسكر وقلبى لحد مايغلوا وبعدين وطى النار شوية
افضلى قلبى فية لحد مايتقل كدة زى الرز باللبن وبعدين حطى الفانيليا وقلبى واطفى
اغرفيها فى الاطباق ولما تهدى زينيها بمكسرات وزبيب وجوز هند(اختيارى) وحطيها فى التلاجة والهنا والشفا يا جميل
والطريقة تسوية القمح سريع
تسوية البليلة بطريقة سهلة وموفرة انك تحطيها في مياة وتخليها تغلي عشرة دقايق وبعدين تطفي وتسيبي الغطا عليها ماتفتحيش عليها خالص هاتستوي علي طول وتنفش وتبقي جميلة احلي فطار للأولاد في المدارس ومغذية جدا كوباية منها وعليها لبن وسكر وجبة متكاملة ومفيدة جدا