The Buzz Magazine
The Buzz Magazine

طريقة عمل الكوردن بلو الصحي

كتب/الشاف سالي هاني


طريقة عمل  الكوردن بلو الصحي
طريقة عمل الكوردن بلو الصحي

الكوردن بلو من أشهى الأكلات اللي كتير مننا بيحبها لكن مشكلتها بتكون دايما في حاجتين:

  • الحشو الزيادة من الجبنة
  • وطبعا القلي في الزيت
    عشان كدة إحنا هنحل المشكلتين دول عشان نعمل كوردن بلو صحي وخفيف و سعراته قليلة

المقادير:
🔸️صدر فرخة
🔸️ جبنة موتزاريلا لايت
🔸️شريحة تركي مدخن (فصوص) أو روزبيف

طريقة التحضير:
بكل بساطة هنفتح صدر الفرخة بالسكينة ونضيف شريحة التركي أو الروزبيف فوقه وفوقهم الجبنة الموتزاريلا لايت وبعد كدة هنلفهم مع بعض عشان يدينا الشكل الأسطواني الجميل ونثبتهم بالخلة.

بعد كدة عندنا طريقتين للتسوية:
🔸️يا إما هنعملهم بالبيض والبقسماط وندخلهم الفرن
🔸️أو هنرش عليهم شوية موتزاريلا لايت مع أعشاب زي الروزماري وندخلهم الفرن برضه

في الحالتين هياخد تقريبا من 20 -30 دقيقة ⏲ على نار متوسطة
وبكدة يبقى معانا أحلى كوردن بلو صحي، القطعة فيها حوالي 450 سعر حراري فقط في حين إن المقلي في الزيت ممكن يوصل لأضعاف الرقم ده 🤩

وبالهنا والشفا

إشترك في نشرتنا الإخبارية
اشترك معنا للتوصل بآخر الأخبار، المقالات والتحديثات، ترسل مباشرة لبريدك الإلكتروني
يمكنك سحب اشتراكك متى شئت

اترك رد

لن يتم نشر عنوان بريدك الإلكتروني.