كتبت/الشاف سالي هاني
المقادير:
معلقتين سمنه
1كوب دقيق
نص كوب سكر
1 كوب لبن
زبيب ومكسرات وجوز هند للتزيين حسب رغبتك
الطريقة:
تجيبي طاسة وتسيحي فيها السمنه وتحطي الدقيق بتاعك كله وتحاولي وانتي بتقلبي
تهرسي الدقيق في السمنه كدة لحد ما يختلطوا
وتقلبي لحد ما لون الدقيق يصفر شوية وبعد كدة تضيفي السكر بتاعك وتقلبي لحد ما تحسي ان السكر بيدوب ويبدا يعمل زي الكراميل بس مش تغمقيه يدوب بس
واخر حاجة تضيفي كوباية اللبن وتقلبي لحد ما تلاقي الدقيق والسكر واللبن بقوا زي العجينة كدة
ترفعية سد الحنك من علي النار وتحطية في طبق وتزيني بالزبيب والمكسرات وجوز الهند وممكن من غير حاجة بيبقي طعمه و تحسي انك بتاكلي بسبوسة