“والغرام شو حلو معك.”….. بقلم الكاتبة الشابة المتميزة في الدول العربية ابكتنا من خلال هذه القصيدة الرائعة جدا….
ع دراج الدمعة أنشلت الحروف
تتحرق بجذورا صفحات الشريان.
تقرب لعندك وتلاقيك بلهفة
تتخزق جذوع الشجر..
وتتمدد ع كتافك عروق تشارين.
اركض بين ضلوعك عطشاني…
مشتاقة آخد من خيالك نسيم..
ومن لوحات شفافك ارسم لمحة .
وبجمرة حبي انحني تأرويك..
واندهلك بتنهيدتي وبهفوات جنوني…
انك لروحي باقي للحياة الجايي أمين….
من قناطر هالحجر انسكنت المشاعر…وتعزرت سطورا وباحت الفواصل…تحكي عنك بين حروف مش مقشوعة…والدعوات تمحي قوافي البيت…تشوفك قدام عيوني عم تعاتب هالزمن…
ومن الخمر تزت لقلبك نبضي هالسكران لليوم بنظرة عيونك……
وع زورق الشهقة تشتي الدني دمع ابيض…
والتلج يصفي انين….