كتبت/الشاف سالي هاني
المكونات:
🌹3 كوب دقيق
🌹2 كوب سكر
🌹4 بيضات
🌹1 كوب لبن سائل
🌹 نصف كوب زبده بدرجه حراره الغرفه
🌹نصف كوب زيت
🌹نصف باكو بيكنج بودر
🌹فانليا
🌹 رشه ملح
🌹ملعقه صغيره خل
🌹الطريقه :
فى الخلاط هنضع البيض ومعلقه الخل والفانيليا والسكر ونخفقهم على اعلى سرع نخفقه لحد ميتضاعف حجمه اثناء الخفق هنضع الزيت الزبده اللبن ونخفق جيدا لحد منحصل على خليط هش وكريمى وفى اثناء الخفق نحضر بوله ونضع فيها الدقيق المنخول والبيكنج بودر المنخول وبكرر منخول ورشه ملح ناخد الخليط ونضعه على الدقيق ونقلب بهدوء علشان منخرجش الهواء إللى فى الخليط كدا الخليط جاهز نحضر بولتين صغيرين ونضع فى كل بوله خمس ملاعق كبيره من خليط الكيك نضيف على الطبق الاول ملعقتين كبار كاكاو خام ونضع على الخليط الثانى باكو قهوه سريعه الذوبان وليكن نسكافيه بلاك دول إللى هنعمل بيهم شكل الفهد ونضع فى الصينيه مقاس28 نضع ورق زبدة مرسوم عليه دواير صغيرة غير متساوية وادهنها بخليط اللونين الى عملتهم على جمب ثم اصب الخليط الكيك فوقهم ومن فوق اضع ورق زبدة مرسوم عليه دواير صغيرةغير متساوية وادهنها باللونين واشعها على وش خليط الكيك ونضعها فى فرن ساخن مسبقا على درجه حراره 180 على رف أوسط لمده نصف ساعه نخرج الكيك على شبكه تبريد لحد متبرد وبعدها نزيل ورق الزبده من القاع والجوانب بهدوء هنحصل على الشكل ده كيك مرتفع وهش وطرى ومسامات مقفوله وناجح جدا 👌 وشكل وطعم ممتاز