The Buzz Magazine
The Buzz Magazine

لفائف البيتزا او سينابون بيتزا

الشاف سالي هاني

لفائف البيتزا او سينابون بيتزا
لفائف البيتزا او سينابون بيتزا

المقادير:


للعحينة
٣كوب دقيق
معلقة صغيرة محسن خبز او بديله ( معلقة صغيرة بيكنج بودر وربع معلقة صغيرة بيكنج صودا )
معلقة كبيرة خل
نص معلقة صغيرة ملح
معلقة خميرة
معلقة صغيرة سكر
معلقتين كبار زيت
لبن او ماء للعجن
للحشو
بصلة مقطعة صغير
فص ثوم مفروم
سجق مقطع
فلفل اخضر او الوان مقطع صغير
زيتون حلقات
خيار مخلل مقطع صغير
ملح وفلفل
زعتر
او اى حشوة تفضلوها
للفرد على العجينة
كاتشب
جبنة مشكلة


الطريقة:


هنعجن العجينة الأول هنحط كل المقادير مع بعض ونعجن كويس مدة متقلش عن ١٠ دقايقونغطيها ونسبها تخمر كويس حتى يتضاعف حجمها


هنحضر الحشوة:


فى طاسة على النار نضع معلقة زيت وننزل بالسجق ياخد تقلبتين وننزل بالبصل ونسيبه يدبل شوية وننزل بالتوم والفلفل الأخضر وباقى المقادير وونتركه خمس دقايق على النار وبعدين نطفى ونسبها تبرد
هنجيب العجينة بعد ما خمرت ونفردها على الدقيق ونشكلها مستطيل كبير سمك متوسط مش رفيع عشان متتقطعش ونفرد عليها كاتشب او مايونيز المتوفر وجبنة مشكلة وبعدين نفرد الحشوة بس بعيد عن الاطراف وبعدين نلفها روول ونقطعها حلقات ونرصها فى صاج مدهون او به ورق زبدة مدهون كويس ونسبها تخمر تانى حوالى ربع ساعة ونرش عليها شوية جبنة موتزريلا او رومى المتوفر ونزينها بالكاتشب وندخلها فرن حامى على درجة حرارة متوسطة تستوى ويحمر الوجه وتقدم

إشترك في نشرتنا الإخبارية
اشترك معنا للتوصل بآخر الأخبار، المقالات والتحديثات، ترسل مباشرة لبريدك الإلكتروني
يمكنك سحب اشتراكك متى شئت

اترك رد

لن يتم نشر عنوان بريدك الإلكتروني.