الشاف سالي هاني
الطريقه:
3 كوب دقيق.. نص كوب حليب دافئ ..ربع كوب زيت .. بيضه ..3 معالق اكل سكر .. معلقة خل ..معلقه بيكنج بودر..معلقه خميره فوريه
هننخل الدقيق وعليه ذرة ملح والبودر وفي بوله تانيه هنضيف الحليب والزيت والبيضه والسكر والخميرة وندوبهم كويس وننزل عليهم بالدقيق ونعجن لو احتاجت شويه لبن بسيط نزود هي معايا مش احتاجت بس الدقيق أحيانا بيختلف نعجن كويس جدا وهي بتكون عجينه طريه وبتلزق بسيط لكن مش هنزود دقيق هنضيف مكعب زبده ونلم ونعجن تاني هتفضل طريه بس مش بتلزق نغطيها ونسيبها تتخمر حوالي نص ساعه وبعدين نقطعها كور صغيره في حجم البيضه
المقدار ده طلع معايا 10 قطع هنبدا نشكلها انا هنا عامله الضفيره دي ساده من غير حشو بنبرمها رول طويل ورفيع اوي ومن النص نلفها علي بعضها ونقفلها دايره..الشكل التاني محشي عجوه بنفردها ونحط الحشو ونبرم رول برده رفيع وقفلها دايره
علي الوش بقي انا مش بحب البيض باخده ربع كبايه لبن وعليهم رشة نسكافيه ادوبه كويس وندهن الوش ونغمسها في السمسم ونرص في الصواني تكون مدهونه زيت خفيف جدا أو علي ورق زبده نسيبها تتخمر تاني نص ساعه وتدخل فرن سخن علي الشبكه والنار متوسطه بتاخد حوالي من عشر دقائق اربع ساعه وبالف هنا