The Buzz Magazine
The Buzz Magazine

مقلوبة البطاطس

كتب/الشاف سالي هاني

مقلوبة البطاطس
مقلوبة البطاطس

حنعمل صلصة طماطم حلوة عبارة عن طماطم مفرومة وبصل شرايح وبقدونس ونسيبها على النار لحد ماتتكاثف كدة وتتسبك.
حنحتاج كمان حمص مسلوق مقدار كوباية ونص، وكوبايتين ارز بسمتي منقوع وبعدين نصفيه ونبهره ( يعني فلفل وبابريكاوكركم وممكن بودرة بصل وبودرة ثوم ) وكمان ٤ كوبايات مرق ، ومكسرات محمصة .

فالحلة حنرص شرايح البطاطس ، عليها شرايح المشروم، عليها بقى الصلصة اللي حضرناها وبعدين نحط الحمص والرز

وبالتدريج ننزل بالمرق على النار تكون هادية جدا، وطبعا حلة مابتلزقش يعيشوا حياتهم ٤٠ دقيقة لحد مالرز يتشرب .


نقلبها ونزين بقى بالبقدونس والمكسرات

إشترك في نشرتنا الإخبارية
اشترك معنا للتوصل بآخر الأخبار، المقالات والتحديثات، ترسل مباشرة لبريدك الإلكتروني
يمكنك سحب اشتراكك متى شئت

اترك رد

لن يتم نشر عنوان بريدك الإلكتروني.