The Buzz Magazine
The Buzz Magazine

ملف اكلات عيد الاضحى المبارك

كتبت/الشاف سالي هاني

اعادة الله عليكم بالخير
طريقة عمل المخ:


ليه كام طريقه كلهم اجمل من بعض
طبعاً اولا علشان تقطعي المخ يبقى تحطيه فى الفريزر يجمد ويتماسك ويتقطع معاكي بسهوله بدون ما يتهري ويبوظ

1_المخ بانيه:

المخ بانيه
المخ بانيه

اغسلى المخ براحه خالص بملح وخل وقطعي شرايح
قطعي بصله في الخلاط وحطي شويه ملح وفلفل اسمر وكمون وعصير ليمون وقليل من الماء يدوب تلف الخلاط واضربيهم كويس قوى وحطيها على المخ وغطي وحطي في التلاجه لمدة نصف ساعه
اخرجيه من التتبيله وضعيه في البيض وبعدين الدقيق او البقسماط المطحون واقليه في زيت غزير
وخرجيه علي طبق التقديم ويرش بالقليل من البقدونس

2-المخ المقلى:

المخ المقلى
المخ المقلى


حطي حله علي النار فيها ملح وفلفل وكمون وبصله وحطي المخ بحاله حوالي ربع ساعة علي نار هادية وشيليه يبرد خالص وقطعيه طرنشات
رشي عليه ملح وفلفل اسود وحطي في البيض وبعدين البقسماط واقليه في زيت غزير

3- المخ المقلي بالبيض:

المخ المقلي بالبيض
المخ المقلي بالبيض

بحبه جداً وبعمله كتير بالطريقه دي
تجيبي المخ وتقطعيه
وفي حله علي النار حطي معلقتين سمن وخرطي بصله متوسطه وقلبيها في السمن حتى تذبل حطي المخ وقلبي وحطى ملح وفلفل اسود فقط وقلبي حوالي خمس دقايق واكسري 3 بيضات علي المخ مع التقليب حتي ينضج الجميع
ويغرف في طبق التقديم ويمكن الاستغناء عن البيض لو مش عايزه اعمليه لواحده

4- طريقة السلق:

 طريقة السلق
طريقة السلق

يسلق المخ بحاله فى ماء علشان بيكون فيه جلود موجوده عليه لازم تتشال قبل ما يتقلى ويتسلق ويتحط عليه نص لمونه وورق روالا ومستكه وحبهان وترنشات جزر وبصل علشان يشيل اى زفارة وبعد ما يتسلق بحاله تسبيه يبرد ويتشمع وبعد كدا يتشال الجلود اللى حواليه وممكن بعد كدا يتحط فى الفريزر وتقطعيه او ممكن عادى ييتقطع بعد ما يبرد خالص ويتعمل بانيه بعد ما يتبل بعصير لمون وميه بصل وملح وفلفل ورشة قرفة وكمون ويتحط فى البيض متبل بالفلفل وبعد كدا فى البقسماط او فيجيتار ويتقلى عادى ودى طريقه قالتلى عليها اخت فاضله وحقيقي كانت جميله
والف هنا

إشترك في نشرتنا الإخبارية
اشترك معنا للتوصل بآخر الأخبار، المقالات والتحديثات، ترسل مباشرة لبريدك الإلكتروني
يمكنك سحب اشتراكك متى شئت

اترك رد

لن يتم نشر عنوان بريدك الإلكتروني.