The Buzz Magazine
The Buzz Magazine

جلاش بالبسبوسه الخطير

كتبت/الشاف سالي هاني

جلاش بالبسبوسه الخطير
جلاش بالبسبوسه الخطير

المكوّنات:


لفة جلاش
2 كوب دقيق سميد
1/2 كوب سمنه سايحه
كوب ونص شربات تقيل
الخطوات
بنجيب طاسه بنحط معلقتين سمنه بلدي وبعدها ننزل بدقيق السميد ونخفف النار خالص ونفضل نقلب كويس في لحد ما كلها تأخذ لون ذهبي ونشيلها من على النار وننزل عليها بنص كوب شربات تقيل ونقلبهم كويس ونسيبها على جنب تبرد نحط عليه مكسرات حسب رغبتك

بنجيب صينيه وندهنها سمنه كويس ونجيب لفه الجلاش وناخد ورقتين وندهنهم سمنه بالفرشه كويس ونحط مقدار من البسبوسه ونخلي بالنا منحطش على الاطراف

ونقفل الجلاش من الجوانب ونلفها رول ونحطها في الصينيه وهكذ لحد ما نخلص الكميه (وممكن نحط بندق مجروش على البسبوسه او جوز هند او المكسرات اللي بتحبيها)

وبعدين ندهن الوجه باقي السمنه كويس ونحط كميه كويسه من السمنه على الوجه علشان تأخذ وجه حلو واقطع الجلاش المقاس اللي يعجبك وندخلها فرن سابق التسخين على ١٨٠ درجه والجوانب تحمر بعدها نشغل الشوايه تأخذ لون ذهبي وبعد ما تطلع وهي ساخنه ننزل عليها بشربات تقيل بارد ونغطي الصينيه والف هنا علشان تبقي طريه وفي نفس الوقت نحافظ
على قرمشتها
ويقدم بالف هناوشفا

مقدار الشربات (٢كوب سكر + كوب ونص مياه + عصره ليمون عالنار لغاية ميغلظ قوامه

إشترك في نشرتنا الإخبارية
اشترك معنا للتوصل بآخر الأخبار، المقالات والتحديثات، ترسل مباشرة لبريدك الإلكتروني
يمكنك سحب اشتراكك متى شئت

اترك رد

لن يتم نشر عنوان بريدك الإلكتروني.