طريقة عمل شوربه الشوفان
كتبت الشاف سالي هاني
شوربه الشوفان ممكن تكون بيضاء بالكريمه او بالطماطم وده يرجع لكي زي ما تحبي وهنزلك الطريقتين
المقادير:
———-
نص كوب من الشوفان ناعم
٤اكواب من مرقه دجاج او لحمه
نص كوب من الجزر مفروم ناعم
نص كوب من الكرفس مفروم ناعم
نص كوب كريمه
ملح وفلفل
١ كوب عصير طماطم فرش
الطريقه:
في حاله الشوفان بالكريمه
بنضع معلقه من الذبده علي النار وننزل بالجزر والكرفس المفروم ناعم ويمكن اضافه زره حلوه وده اختياري ونقلبهم عاي نار متوسطه مع اضافه فصين من المستكه ورشه فلفل اسود لمده دقيقه حتي يذبل الخضار ننزل عليه بالشوربه ونقلبهم كويس وبمجرد ما تغلي نتركها حوالي ١٠ دقايق عاي نار متوسطه ثم نضيف الشوفان بعد نقعه حوالي ربع ساعه ونتركه حوالي ١٥ دقيقه حتي نتأكد ان الشوفان والخضروات استوت ننزل بالكريمه وتقلب وتقدم ساخنه بالف هنا
في حاله الشوفان بالصلصه:
بنضع الذبده ونقلب فيها الجزر والكرفس دقيقتين ثم انزلي بالطماطم واتركيها علي النار حتي تغلي كويس حوالي ٧ دقايق ثم انزلي بالشوربه وأول ما تغلي انزلي بالشوفان والملح والفلفل وربع معلقه سكر واتركيها حوالي من ١٥ ل ٢٠ دقيقه لحد ما تستوي ويقدم بالف هنا