الشاف سالي هاني
اولا ازاى نخلى الكفته متفكش مننا على السيخ
١ / لازم الكفته تتفرز كويس يعنى ايه تتفرز يعنى تدخل الديب فليزر تاخد صدمه علشان تكون ماسكه معانا !
٢ / نسبة الدهون محدوده مش اى كميه وخلاص يعنى مثلا ٨٠ بالمائه لحمه ٢٠ بالمئه دهن وياريت لو دوش
٣/ الليه الضانى مهمه جدا لكفتة الحاتى يعنى احلى طعم وأطيب ريحه
٤ / على حسب حتة اللحمه اللى معانا فى لحمه بتحتاج تتفرم وشين وفى وش واحد
اهم شئ متكونش اللحمه مخرزه
٥/ واحنا بنشيش الكفته على السيخ
لازم تكون لسه طالعه من الديب فليزر ولازم بعد منصبعها زى مشوفتوا فى الصوره لازم نغلق من فوق ومن تحت كويس يعنى نتكى عليها علشان متريحش على النار
واخيرا التسويه
لازم تاخد على كل جنب الاول ١٠ ثوانى فقط احنا بنسميها #تتشمع
وبعد كدا سوى براحتك زى مهو موضح فى الصوره
المقادير:
كيلو لحمه مفرومه
٢ بصل مبشورين من غير ماء البصل
فلفلتين الوان سواء باردين الو سبايسي ناعمين زى البصل
ملح
فلفل اسود
كزبره ناعمه
بهار كفته
رشة قرفه بسيطه جدا
رشة جوزة الطيب
ونعجن اللحمه كويس جدا وبعد كدا على الديب فليزر مش تجمد تمسك نفسها فقط لاغير
واول متطلع نحط عليها شوية بقدونس ونعجنها كمان مره