طرح الفنان الشاب احمد سليم اغنيته الدينية بعنوان “يا رمضان ” خلال الشهر الكريم تعبيرا منه عن فضل رمضان وبركته وقدسيته .
الاغنية من تقديم :اف فايف كلمات والحان :احمد سليم ، توزيع :محمد شعيب ،تسجيل وميكس و ماستر :احمد علي ،وتقول الاغنية :
كل الشهور أيام
الا أنت يا رمضان
الثانيه فيك أيام
دا ببركه القرآن
وشوارع مليانه بفرحه
رمضان أهو جه يا ولاد قوموا
جهزوا لسحوركم واتوضوا
يلا يا حلوين صلوا وصوموا
وسحور الفجر مع العيله
اغنيه بصوت طفله جميله
ودعاء الشيخ وقت التراويح
طبطبه بإيدين أم أصيله
بنصوم ونزكي وبنصلي
بركاتك دايما بتخلي
العزوه ولمة أهالينا
وقت المغرب حلوه تملي
فوانيس بتنور وتغني
والزينه بتلمع في النور
وجمال الصبح وبركاته
كروان بيغني لعصفور
والمدفع يضرب وبنفطر
وآذان بيقول الله أكبر
بنسمي وناكل ونحلي
وبذكر الرحمن نتعطر
بنصوم ونزكي وبنصلي
بركاتك دايما بتخلي
العزوه ولمة أهالينا
وقت المغرب حلوه تملي
والسبحه في ايد أب وإبنه
بيصلي وماسك في إيديه
حلواني بيعمل بسبوسه
والكل بيفرح حواليه
وبننزل نسهر عالقهوة
والصحبه الحلوه ب 100 لمة
وكنيسه بتحضن في الجامع
وصليب واقف جمبه العمه
بنصوم ونزكي وبنصلي
بركاتك دايما بتخلي
العزوه ولمة أهالينا
وقت المغرب حلوه تملي
تذاع الاغنية كل يوم علي إذاعات تونسيه اذاعه cap fm واذاعه قفصه
الجدير بالذكر ان احمد شاب طموح متعدد المواهب وهو الان بصدد تسجيل اغاني جديدة متميزة .