اسرع شيبسي

كتبت /الشاف سالي هاني

دي اسرع شيبسي من ايدك للزيت بدون ان ننقع ولا ماء ساخن ولا سقعة ولا خل ولا ليمون

المكوّنات:

2 بطاطس

ملح

زيت غزير للقلي

الخطوات:

اول حاجة نحضر البطاطس ونقشرها ونغسلها

نأخذ اول واحدة بطاطس ونقطعها بقطاعة الشيبسي واحنا بنقطعها نكون مشغلين النار على الطاسة اول ما نخلص اول واحدة ننزل بها على طول بالزيت الساخن طبعاً على دفعات مع التقليب والمتابعة

نخرج البطاطس من الزيت على مناديل مطبخ ونرش عليها ملح بسيط ويمكن رشة بطعم الجبنة بتدى طعم تحفة ونبدا في عمل الثانية

البطاطس دي بيبقي طعمها روعة ومقرمشة جداً لانها بالنشا بتعها لان الغسيل بينزل النشا منها

نتابع البطاطس وهي بتتحمر لانها تحمر بسرعة الف هنا وشفا عليكم