أطلق المركز الإعلامي لمبادرة الف كاتب برنامج. دعم الكوادر الشباببية في مجالات الإعلام والثقافة والفنون ،وذلك من خلال المشروع الوطني الشبابي للفنون .. وأيضاً تسليط الضوء علي الكوادر الناجحة والمؤثرة في الشباب من خلال الإعلام والثقافة والفنون…
هنتكلم النهاردة بالعامية الجميلة اللي هو دائماً بيتكلم عنها وعن مدى تأثيرها .. الشاعر الإنسان عبد العزيز رياض الأب الروحي للشعراء الشباب صاحب التجربة الإنسانية ..
بدأ حياته “رياض” زى ما بيقوله بالبلدى كده بالمرواغة الفكرية والاراء المختلفة اللي دائماً كانت بتخلي الناس تلتف حوله ومش كده وبس ؟! .. لأ كمان كان بيقدر يأثر عليهم بطريقته وأسلوبه المتميز .. ولما نتكلم بقي علي موهبته محدش بيختلف عليها ..
عبد العزيز رياض هو الانسان والشاعر والأب الروحي لكثير من الشباب .. وهو أيضاً صاحب الأعمال المتميزة ( ديوان ممعيش عصاية موسي – ديوان الموت علي الهادي – ديوان العزف علي وتر مقطوع ) وهو أيضاً الحاصل علي الكثير من الجوائز والمناصب داخل المؤسسات الثقافية والداعمة للأدب والفنون …
عبد العزيز رياض شخص له اعتقادات خاصة يعني مثلاً لما تقوله ليه بعد هذا العمر اعمالك قليله ؟؟ .. يقوم يقولك الشاعر ممكن تخلده قصيدة واحدة مش شرط يكون ليا عشرات الدواوين .. المهم أن اسيب حاجة فعلا تأثر في الناس وليها قيمة …
حاجات كتيرة جميلة اتجمعت في شخص واحد هو الشاعر عبد العزيز رياض عشان كده بنقوله مين أثر فيك ؟؟ يقولنا الشاعر احمد فؤاد نجم اتأثرت بتجربته الإنسانية ومشواره وكل تفصيله فيه ومش هو وبس والخال الأبنودي وغيرهم أصحاب التجارب الملهمة..