المصدر /وشوشة
عاودت المطربة شيرين عبدالوهاب، بعد غياب دام قرابة ٦ أشهر، عن الظهور عبر منصات التواصل الاجتماعي مجددًا، من خلال تغريدة نشرتها عبر حسابها على “تويتر” لطمئن متابعيها عليها فى ظل الظروف التى يشهدها العالم من انتشار فيروس كورونا.
وقالت “عبدالوهاب”: “أنا هنا يا حبايبي واتبسطت جدًا لما في ظل الظروف اللي العالم كله فيها وكل اللي ليه حد بيحبه قلقان وخايف عليه، لقيتكم فاكرينني وبتسألوا عني.. أنا عايزة أطمنكم إني بخير الحمدلله وحالي زي حالكم كلكم، قاعدة في بيتي مع عيلتي وبدعي إن الغمة دي تعدي على خير”.
وأضافت في تغريدة أخرى: “اهتمامكم بالسؤال عليا ده فرحني جدًا وإداني طاقة إيجابية كنت محتاجاها في ظروف زي دي، وحمسني جدًا وخلاني عايزة افرحكم زي ما فرحتوني وقريب إن شاء الله أشارك معاكم حاجة قريبة جدًا لقلبي، ولحد ما ده يحصل عايزاكم تكونوا متطمنين عليا، وتاخدوا بالكم من نفسكم ونفضل كلنا في البيت”.
وكانت الفنانة شيرين قد أغلقت جميع حساباتها على مواقع التواصل الاجتماعي، في شهر أكتوبر الماضي، بسبب الهجوم الحاد الذي تعرضت له، بعد إعلانها تخصيص عائد حفل لمتضرري حرائق لبنان.