كتبت/الشاف سالي هاني
الطريقه:
عرق من وش الفخده خلي الجزار ينضفهولك من الجلد وزنه حوالي كيلو ونص هنجيبه ونغسله وننشغه بمناديل مطبخ كويس ونغرسه كده بخله او سكينه رفيعه ونجيب لكل كيلو كوب ملح مليان نغرقه كله بالملح من كل ناحيه ونلفه بشاشه كويس ونحطه علي شبكه الفرن وتحته صينيه عشان هينزل ميه ونحط فوقه بقي تقل اي حاجه تقيله عشان نضغطه
المرحله:
ديه اسمها مرحله التمليح هنسيبه يوم كامل كده
تاني يوم هنجيب منديل مطبخ ونمسح من علي العرق كب الملح اللي فاضل كويس جدااا متغسليهوش امسحي بس كويس الملح وبعدين ندخل علي تاني مرحله التجفيف
هنجيب سكينه ونخرمه قبل الطرف كدخ بحبه حلوين عشان ميقعش من الحبل وندخل خيط تقيل فيه ونربطه ونعلقه يوم كامل او يومين لما نلاقي اللحمه نشفت كده ولونها غير تحسي انها باظت بس ده قمه النجاح🤣🤣🤣🤣🤣🤣
اخر مرحله التحنيط
هنجيب في الكبه قرن فلفل احمر كبير مش حرااق وعليه كوبايه تووم متقشر ونص كوب حلبه مطحونه ونص كوب بابريكا ومعلقتين كبار ملح ومعلقه كبيره فلفل اسمر وزيها كسبره نشفه وكمون ونفرمهم كويس في الكبه ونزود ميه حبه بحبه لما تبقي عجينه ونبل ايدينا ميه ونبدأ نغلف العرق كويس جدا جدا منسيبش فيه خرم من غير تغليف حتي الحبل برده لاازم تتغلف كويس جداا بطبقه حلوه ونسيب جزء من الخلطه في التلاجه عشان لو شققت نغلفها تاني ونسيبها بقي عشر اياام لما تنشف خالص وبعدين قطعيها وقسميها في اكياس عالفريزر
ملحوظه//لازم تتعلق في مكان جيد التهويه ونضيف
جربوها بجد ريحتها قلبت الدنيا🤣🤣🤣