كتبت/سالي هاني
المكونات
نص كوب من الزيت
ونص كوب من الذبده بدرجه حراره المطبخ
وكوب الاربع سكر بودره
ونص كوب من الكاكاو الخام
ونص كوبايه من النشا
و نص معلقه من القهوه
بيضة
وَمعلقه من النسكافيه
ونص معلقة بيكنج بودر
رشة ملح
معلقة فانليا
نص كوب لبن
2 كوب دقيق
هخلطهم مع بعض لحد ما تتجانس المكونات مع بعض وهضيف الدقيق المنخول وهعجنهم مع بعض لو لقينا العجينه بتلزق هضيف معلقه أو اتنين من الدقيق بعد كده هدخلها في الثلاجه ترتاح نص ساعه عشان اقدر أشكلها
طريقه التشكيل
هعملها شكل كوره صغيره واضغط عليها من الجانبين بأطراف صوابعي وبحرف السكينه هعمل خط صغير في النص
طريقه التسويه
هدهن الصينيه زيت أو سمنه بسيط أو احط ورقه ذبده وهدخلها في الفرن على الرف الأوسط على درجه حراره ١٨٠° مده التسويه مابين ١٢ إلى ١٥ دقيقه
طريقه التزين
ممكن اغطيها بالشيكولاته السايحة وممكن اسيبلها زي ما هي وبالهنا