كتب/الشاف سالي هاني

المقادير :

4 كوبايه دقيق
كوبايه لبن دافيه
نص كوبايه زيت ونص كوبايه سمنه.
كوب شمر متحمص
معلقه كبيره سكر
معلقه كبيره خميره
رشه ملح

الطريقه :

ننزل بالدقيق وعليه رشه ملح ونقلب كويس وبعدين نحمص الشمر لحد مالونه يغير ويطلع ريحته الجميله ..
وننزله على الدقيق ونقلبه ونخلطه كويس جدا..

في نفس الطاسه اللى حمصنا فيها الشمر ننزل اللبن والزيت والسمنه يدفوا لكن مايسخنوش قوى .
وننزل عليهم السكر والخميرة ونقلب كويس 🙂

ننزل الخليط السائل ده على الدقيق ونعجن مش أقل من عشر دقائق ونسيبه يخمر في مكان دافي وهو متغطى بالبلاستيك الغذائي او فوطة نظيفة محكمة عليه :O
لما يخمر نلفه رول كبير ونقطعه بالسكينه الشكل اللى حبينه 😉
ويرص فى صاج فرن ويسوى على نار هادئة متوسطة .

ملحوظة :

يمكن استبدال الشمر باليانسون ويصبح بسكوت يانسون .