فما اجمل من تلك الحروف الجميلة الغائصة في دروب صغيرة….!!هو الشعور مبدع..
والقلم رقيق ومعبر…ما هي تلك الاشواق الدفيانة في داخلنا يا جسّي؟
ما هي تلك الجروح المزيفة؟
ما هي تلك النغمات التي انحنت على صدر الثقافة والمعرفة والحضارة الحديثة…
هل هي انتِ ؟ نعم هي انتِ بنفسك….
!نحن نفتخر بك جداّ….!!(الف مبروك)
ببداية المشوار غصة موسيقية اتنغمت بلحن اختنقت زواياه بحروق لما كانت الدني عم تشتي وهم وألم ….
هالحوار يلي ابتدى بعتب بين معزوفة النايّ
وبين معزوفة الكمان بقلب الطبيعة…
معزوفة النّايّ: بعدا الفراشة مغطايّة بجروحن.
معزوفة الكمًان :شو رأيك نضمد هالشوق بلحنن…
معزوفة النّايّ: خلينا سوا نقرب نرويلن من الحبر قصة..
معزوفة الكمّان: بعدا مشتاقة لعيونن البريئة…
معزوفة النايّ: دمعاتا زورق عم ياخدا لعندن.
معزوفة الكمّان:بعدو اللهيب عم يسهر عندن…
معزوفة النّايّ:عاشقين الظلمة لمغطايّة بلمساتن…
معزوفة الكمّان:مش قادرين …. النظر عم يغدرن…
معزوفة النّايّ : شعورن بحر عم يغوص بدربن…
معزوفة الكمّان: مش قادرين ما يفوشو بين
الغيمات …
معزوفة النّايّ : هالمسافة فصلتن عن هالحب….
معزوفة الكمّان: هالحب ما فصل…هالحب حكم..
معزوفة النايّ: والاعدام نقطة الغموض….
معزوفة الكمان: العشرة حصدت الصمت…
معزوفة النايٌ: والصمت عبارة عن حنين…
معزوفة الكمّان:والشك عبارة عن وهم والهام…
معزوفة النّايّ : الضعف لحظة ؛والانتظار صبر..
معزوفة الكمّان: بعدا شوكتن مغلفة بعضمة شهوتن….
معزوفة النايّ:وين بدك نحفر هالكنز ؟
معزوفة الكمّان: ع جبين الليل …او ع خيطان السهر…!!
معزوفة النّايّ: ما بدي خيّط الدمع بحكاية…
معزوفة الكمّان: حكاية تقطبت بقوافي…
معزوفة النايّ :قوافي تزينت بعطرن….
معزوفة الكمّان : وع دفترن تقيّد الختم بعتب…
معزوفة النايّ:والختم سحر انغرز بحضورن..
معزوفة الكمّان:وحضورن هيبة ما اله نتفة وصف…!!
معزوفة النّايّ: بعدو وجودن قوة وصلا…
وصلاتن وجود ونعمة ما بتتمن…
معزوفة الكمّان:والغنية ؟
معزوفة النّايّ: الغنيّة لمسة روح بتشفيُّن…
معزوفة الكمّان:واذا شفيّت بكير رح تركض لعندن تشدن لعندا وتغمر عضامن والنبض يلون من هون الشهقة !!
معزوفة النايّ:وع الرمش تنرسم الآيات بلوحة مقسومة نص وللنص التاني تنسرق النظرات وما تمل من أحلامن…
بقلم الشاعرة والكاتبة جسّي مراد