تعويذة الصباح
عبدالله البطيّان
نادي النورس الثقافي
على طاري الصباح وكلمتين قصار
على الخاطر تمر وتعتلي فوقه
بنبض الطيب بادرنا مع الأخيار
وصار الجود يكتب حلم وشروقه
وليت اللي جحد طيب امتثل واختار
رفيقٍ له يلازم طبعه وذوقه
ولكن اعتبار الذوق شيٍ صار
بلا قيمة لأن اخلاقه محروقه
كذا يعني تجينا نكبة الخطار
كذا نلبس طباع الشر ونسوقه
على من سجل الأفعال خيرٍ دار
مع العالم وذكره صار منطوقه
ورد في خاطري بسم الصباح اذكار
وتعويذه عن اللي شقق شقوقه
وهذا الصبح سجل حلم فيه اختار
بقى من زان نبضه وبانت عروقه