في مقابلة جديدة عبر التواصل الاجتماعي مع الشاعرة جسي …
اخبرتنا بأنها تحضر قصة مصورة تتحدث بها عن غربة الوطن…..
“كما تابعت جسي كلماتها قائلة “:
الغربة بتوجع وطن…
والوطن بذاتو بوجع قلبنا….
الغربة بتفارقنا واوقات بتجمعنا..
الغربة بتفارقنا بنقط ما في من بعدا فواصل …..
الغربة بتاخدنا ع كتاف القدر…
والقدر بيخطفنا تيكمل حكمته … الغربة اصعب مرحلة ع الورق ..
والحرف يلي انكتب بحبر الوجع
أنعمت الاحزان المصورة ع كتابو..
“ما بعرف ليش حبيت اعمل قصة زغيرة عن الغربة …
الغربة يلي نص بنص عم تقسم حالا تتوزع رغيفا ع كل قلب مشتاق لرجوع شخص بعيد عن روحو صرلو سنين عم بدور ع غمرة تلف جناحات العمر ع صدر البسمة…. والدمعة…. واللهفة ….
اوقات الشوك بيحرقنا بس يلمس ايدينا… واوقات أنفاسنا بتحرق الأشواك لعم تغفى ع جمر الصدفة …
الغربة رصاصة بتقتل بس ما بتوجع.. …
الغربة مسرحية مكتوبة ضمن واقع أو حلم. .. .
الغربة بتتقسم لقصص … يمكن تكون غربة مدفونة تحت الورد…
واوقات الورد بيندفن جوات غربة الوداع ….
بتمنى من قلبي القصة يلي كتبتا ويلي صرلي وقت عم حضرلا….
تنجح وتصير نفس جديد لكل إنسان ولكل شخص بيدخل بغموضا يلي اوقات بيتفسر بنقط.
نقط العاجزة عن مواقف …
بتفوت ع حياة كل حدا ..
وبحب كبير ….
بشكر كل شخص بشجعني…
وبيوقف حدي وبينصحني…
وبشكر كل شخص عم بكون الدعم الأكبر لحضرتي…
واكيد كل شخص مؤمن بتنفتح بواب النجاح والتوفيق قدامو…
وشكراً الكن كتير….
جسي مراد نشكرك على هذه المقابلة ونتمنى لك المزيد من التألق والابداع…
فأنتِ نجمة ساطعة على صدر الثقافة……
الف مبروك لك ولأعمالك الحديثة
الجميلة…