الشيماء فوده
الفنانه كاتيا محمود دايما متعودين منك علي اطلالات مختلفه كلمينا عن احدث لوك ياتري كانت فكرتك انتي ولا ايه ؟
اه الفكرة كانت عندى من فترة وكمان كذا حد من المتابعين طلبو منى اعمل هارلى كوين وكنت بحضر كل تفاصيلها
هل في رساله معينه تقصدي تقدميها لمتابعينك من خلاله ؟
السيشن فى حد ذاته وسيلة لاستمرارية التواصل مع المتابعين
لكن الرسالة اللى بوجها الحقيقة هى لكل المخرجين اللى متعودين يحطو الممثلين فى قوالب ثابتة حاولت اثبتلهم ان الممثل المصرى يقدر يتلون
عاوزين نتعرف علي كرو عمل الفوتوشوت وهل هما فريق عمل محترف من وجهه نظرك ؟
اول تحدى قابلنى هوا ملابس الشخصية اللى نفذها يدويا الفنان محمود التركى الممثل و مصمم الازياء
اما الماكياج نفذتو الميكب ارتست الاء احمد اللى انا بعتبرها اكتشاف لانها شاطرة جدا و بتنفذ افكار حلوة بالالوان و الشخصيات
والسيشن كان بعدسة المصور حسن غريب واللى كان متحمس للفكرة و بذل مجهود كبير
وطبعا بعتبرهم فريق محترف لانى مختاراهم على اساس تميزهم الكبير فى كل عامل قامو بيه ونفذو كل التفاصيل اللى خططتلها بشطارة و حماس
ازاي استعديتي لانك تصوري شخصيه للهالووين ؟
الحقيقة انا كنت مخططة من فترة لشخصية هارلى كوينزل نفسها بعيدا عن الهالوين لكن الصدفة ان السيشن اتنفذ فى نفس توقيت الهالوين و كانت صدفة حلوه
اهم اعمالك القريبه لقلبك ؟
اقرب الاعمال لقلبى شخصية زينونة فى مسلسل الكبريت الاحمر لانها الى فتحتلى الباب وثمرة لتعب سنين كتير واول فرحة