كتبت/الشاف سالي هاني
٢كوب دقيق.كوب الاربع زبده.نصف كوب سكر بودر.نصف كوب سميد. ٢معلقه جوز الهند.نصف معلقه كبيره بيكنج بودر.بيضه .رشه فانيليا…
اول حاجه لازم تكون الزبده ساقعه يعني قبل ماتتعمل تتحط نص ساعه بالفريزر عشان لو مش ساقعه مش هتلم وتبق مفروله بقول اهو .
هنخلط المكونات الجافه وننزل بالزبده ونعجن كويس متقليش عن ربع ساعه بقول تاني العجن الكتيير هيحولها للون فاتح كريمي وتبق ناعمه جدا لأن مفهاش سوايل تلمها ناخد بالنا من النقطه دي عجن كتير.
هننزل بالبيضه والفانيليا ونعجن تاني كتير خمس دقايق تاني وندخلها الثلاجه ساعه ترتاح .
هنبدا نشكلها ممكن دواير شكل بيضاوي بس اهم حاجه انها تكون متساويه في الاحجام تاني متساويه عشان لو واحده صغيره واحده كبيره كبيره هتبق نيه عشان الصغيره هتستوي أسرع ولو استنينا الكبيره تستوي الصغيره هتتحرق ناخد بالنا من الحجات دي
هنسيب مسافات عشان بيكبر شويه بالفرن وبصفار بيضه مع نسكافيه هندهن الوش وع فرن ١٨٠درجه لمده عشر دقايق نبدأ نشوفها اول متاخد لون فاتح عشان الشربات بيغمقها تاني نفتح الشوايه تاخد لون ونخرجها اول ما تخرج تاخد شربات خفيف بارد وتتغطي بيه لمده دقيقتين ونصفي الباقي عشان مدوبش تدوس ع واحده نلقيها طريه من الشربات هنسيبها تهدي ونزينها برحتنا.
الشربات ٣سكر .٣ماء عصره ليمون يغلي ونشيل الريم ونسيبه يبرد..