كتبت/الشاف سالي هاني
المقادير:
1/4 كيلو دقيق حوالى كوب ونص
100 جم سمنه سايحه حوالى نصف كوب وممكن نستيدله بزيت
1/2 كوب جبنه رومي مبشوره
1 معلقه صلصه طماطم
1 معلقه صغيره سكر
1/2 معلقه صغيره ملح
1/2 معلقه توم بودر(اختياري)
ماء دافئ للعجن
سائل تلميع الوجه(لبن وبيضه وشويه فلفل)
وحبه البركه وجبنه رومي مبشوره
الطريقه:
نخلط الدقيق مع السكر والملح والتوم البودره ونضيف عليهم الجبنه الرومي
المبشوره والصلصه والسمنه
نخلط كل المكونات مع بعض ونبسهم لحد ما يبقي الخليط زي حبات الرمل
هنضيف الماء الدافئ تدريجيا ونعجن حتي تتكون عجينه هنسيبها ترتاح
ونقطعها كور وكل كوره هنفردها بسمك نصف سم وبحجم رغيف العيش
هنقطعه اربع مثلثات ونرصه في صاج مدهون زيت خفيف وندهن الوجه بخليط
اللبن والبيض ونرش عليه حبه البركه والجبنه المبشوره
وندخله الفرن علي 180 درجه عشان يبقى مقرمش حتى يتم النضج من حوالى 20 دقيقة او حسب فرنك