بقلم د/امل عبد العزيز
فارس المسرح العربي أقوى من مليون هملت على خشبه المسرح صاحب الانتصارات في عالم الدراما من فاته عمل من اعماله ليس له الحق في التعليق على مسيرته الفنيه وتاريخه العريق هو مجموعه من الأدوار والابداعات عندما يقف على خشبه المسرح لايؤدي دور فقط لايمثل فقط بل يعطيك فكره وانطباع يبدع ويحفز الآخرين على الإبداع فنان اهدي النجوميه لكثير من تلاميذه على طبق من فضه مرصع بالمبادئ والقيم عندما تحتاج لمعرفه قضيه او موضوع في فتره زمنيه معينه عندما تحتاج إلى إعطاء نصيحه اخلاقيه اوتربويه لابنائك بطريقه بسيطه وعميقه عندما تحزن من هم الدنيا وتحتاج ان تضحك من عقلك لتحاور القلب بضحكات العقل عندما تمر باي من ذاك بدون تردد اوتفكير تتجهه لمشاهده اعماله جمله الشهيره التي لاتنسى من تاريخ الدراما والمسرح اللي من وجهت نظري المتواضعه اتحذفت من تاريخ المسرح ودرره يبقى هذا التاريخ ناقصأ صاحب اجمل(سالخير) في رحله المليون وما بعد المليون (اكون او لا أكون) في هملت هو صاخب(ابنائي أعزائي فلذات اكبادي) هو الفنان القدير فارس المسرح والسينما سفير الفن الراقي محمد صبحي
اهلا بحضرتك يافنان نورتني وسعيده اني قدام حضرتك وبتحاور معاك اشكرك على سماحك بهذا الشرف
الفنان /محمد صبحي: اهلا بيكي واشكرك على التقديمه المميزه انا سعيد بلقائك
بدون مقدمات هدخل في الاسئله على طول حضرتك ليك حريه في الرد او الرفض نبدأ يافنان
الفنان /محمد صبحي:يالا بينا
ماذا يخطر ببالك عندما يذكر اسم الراحل(لينين الرامي)؟
الفنان /محمد صبحي: انا دايما بقول اني عرفت لينين مفكرمش مؤلف لانه كان مايطرحه في احلامنا لايصدر الا عن مفكر وانا دايما كان عندي اختلاف مع الحاله النقديه او الصحفيه اللي كانت بتقول مصطلح ثنائي مع ان الثنائي حصل على مر التاريخ وفي جميع السينيمات مش في مصر بس لكن انا كنت بسميه (الاحادي ) لأننا درسنا مع بعض حلمنا مع بعض اشتغلنا مع بعض اتفاقنا على فكره مع بعض والحقيقه هو كان بيتابعني في المحاضرات لمده سنتين ثم في السنه الثالثه بدأنا نقرب من بعض ونتحدث في الدراسه وعند تخرجي وتعيني معيد جامعي وقمت بدور هملت واعجب بي وتناقشنا اكتشفت اني غيرت منه لعشقه للمسرح فكان في دايما مباره بيني وبينه لعشقي للمسرح ومن هنا جاءت لنا فكره الشغل معا وبناء إمبراطورية المسرح العربي كأحادي
ما المشهد الأصعب لقلبك في مسرحيه( تخاريف)؟
الفنان /محمد صبحي:لا هو كان أصعب مشهد عندي هو الفصل الا بحول صاله العرض الي تلاميذ وبتخيل انهم بيتكلموا فكان مشهد يخض لأنك اول ما بتعملي علاقه حميميه مع الصاله فممكن الموضوع يخرج عن السيطره لدرجه انهم في التليفزيون حذفوا ضحكه واحد في الصاله افتكروها ده تجاوز ميعرفوش انها في الدراما احنا كلنا مقعدين واحد في الصاله يضحك الضحكه دي لان كان مبنى عليها حوار (لما كنت بقوله والله عارفك افتنوا على زميلكم) فكانت مخيفه لان لو المشاهد شارك غلط خلاص باظ المشهد
هل فكره الارتجال كانت موجوده في نص المسرح الخاص( لينين الرملي ومحمد صبحي)؟
الفنان /محمد صبحي:احنا المسرح الوحيد اللي كنا بنطلع المسرحيه يعني المشاهد كان بيدخل وفي ايده النص ودي كانت فكره( لينين الرملي) فبقيت شايف الف رقيب في الصاله اقول حاجه الناس تضحك فيقوم باصص في النسخه اللي معاه ويدور على المشهد ده مكتوب ولا ارتجال لكن طبعا كان في بعض الحاجات المسموح بيها وهي ان اللحظه اللي خلقت الارتجال
تحديدا على المسرح(مثلت عملت أكروبات مارست الاستعراضات أخرجت وقلفت وغنيت) ما التصنيف الأقرب لقلبك؟
الفنان /محمد صبحي: هي دي مشكله انا مفكرتش اتعين في المسرح لاني مكنتش عايز ابقى ممثل رغم عشقي لهذه المهنه انا كنت عاوز ابقى مدرس لان كان فكري لما اطلع تلاميذ ليا يعيشوا حياه بعدي احسن بكتير من ميت عمل أقدمه فكنت اتمنى انا اكون مدرسا ثم المخرج ثم بعشرين خطوه ممثل
لان الآخراج له اضافه انسانيه عمليه لأنك بتساعد ممثل في خروج طاقته الإبداعي استطيع ان احكم ان المثل الذي أمامي كويس او وحش
ونيس كان رجل تربوي ايه اللي في حياه محمد صبحي بيشعر انه تناقض مع ونيس في تربيته لأولاده؟
الفنان /محمد صبحي: الفرق بيني وبين ونيس اقدر اقول كده انه عشرين في الميه ساقطين يعني مثلا مراتي بعد الجزء الثاني فوجئت بيها بتقولي عاوزه اطلب منك طلب قولتلها خير قالتلي انا عاوزه اتجوز ونيس فقولتلها انا ٨٠٪ونيس انا هو وونيس انا مش مطلعه مثالي ونيس كان بيغلط ودي كانت عظمته
الأصدقاء في حياه محمد صبحي عندك أصدقاء؟
الفنان/ محمد صبحي: عندي كتير وأغلبهم خارج الوسط الفني يعني عندي صديق علاقتي بيه تجعله ان يركب طياره يوميا ويجي يزورني وانا عيان وهو رجل الأعمال ادورد وكذلك محمد نصير عشره العمر
تدي لنفسك كام من عشرين فيتحقيق الحب والزواج والصداقه؟
الفنان/محمد صبحي:ادي لنفسي عشرين من عشرين
ايه العمل اللي حضرتك عملته وبعدها قولت انا محمد صبحي؟
الفنان/محمد صبحي: بصدق شديد وبدون صياغه بلاغيه ما أحلم به لم أقدمه حتى اليوم هو العمل الذي لم أقدمه بعد
فارس المسرح والسينما سفير الفن الراقي نورتني ن
الفنان محمد صبحي:اشكرك