ممثل السهل الممتنع، استطاع أن يلفت الأنظار إليه ونجح ببراعة فى تسليط الأضواء عليه موهوب ولديه كيان وتفاصيل خاصة ممثل موهوب قدم العديد من الأعمال الناجحة يمتلك موهبه كبيرة ويحرص دائما الخروج بمحتوى جيد للمشاهد إنه المخرج و الممثل الصاعد المتألق حسام حسن و خلال الفترة الماضية أن يفرض نفسة بشكل كبير علي الساحة الفنية، وحقق نجاح كبير من خلال تقديمة لمجموعة من الاعمال الهامة
حوار خالد حمادة احمد
*كل منا في مرحلة الطفولة له حلم خاص ماذا كان حلم حسام حسن؟
كان حلمي اني ابقا شخصيه مؤثره في العالم في اي مجال مش بس في التمثيل لحد مربنا رزقني بفرصه كويسه
*من شجعك علي التمثيل داخل اسرتك وهل عائلتك بها فنانين غيرك؟
امي كانت اكبر دافع ليا اني اكمل في طريقي ده وغير اهلي كان في كتير من صحابي بيدعموني ولو بكلمه بس سحر الصاوي بشكل اخص
- البداية كانت في قصر ثفاقة برج العرب حدثنا عن تجربتك مع المخرج ايهاب يونس؟
اشتغلت معاه مرتين وكانو تجربتين احلي من بعض بصراحه واستفدت منه كتير اوي- كلمنا عن مشوارك ف اخراج بدا ازاي؟
كان الموضوع بالنسبالي عِند عشان لما قالولي اني مش هعرف اخرج ولا امثل ولا هعرف امشي في المجال صممت اني لازم اكون حاجه غير اللي بيقولوها والحمد لله شاركت في مهرجانات كتير ومش بس في المسرح كمان فيلم رضا دخل مهرجان ودلوقت مترشح انه يشارك في مهرجان في نيويورك
*وماهي الصعوبات التي واجهتك؟
لالا متعدش كتير اوي من الصعوبات وقفتني وعطلتني وكانت اكبرها المشاكل الماديه والالتزامات
*اي عمل فني اقرب من قلبك مما قدمت؟
كلهم حقيقي بس لو اختصينا عمل معين هيكون مسلسل الاختيار لانه كان شرف كبير اوي ليا اكون جزء من عمل زي ده
*ايه شخصية تاريخية او فنية يتمني حسام حسن ان يجسدها؟
مفكرتش في السؤال ده قبل كده بس ممكن تكون شخصية كويسه مؤثره في عدد كبير جدا من الناس
*ماهو طموح حسام حسن؟
بتمني من ربنا اني اقدر اسعد ناس كتير واكون مؤثر فيهم بشكل ايجابي علي قد ما اقدر وشغلي يكون رساله اقدر اغير بيها حاجات كتير.
*في اي اعمال جديدة الفترة الجاية؟
ان شاء الله الفترة الجاية في اعمال جايه كتير سينما ومسرح و مش هيكون عندي مشكله اني اقدم وجوه جديده موهوبين للساحه الفنيه بالعكس انا بكون مبسوط جدا من ده.
*حابب تقول كلمة اخيرة؟
وحابب اشكر بشكل خاص ناس كانو سبب في دعمي ووجودي في المكانه اللي انا فيها دي دلوقت زي سحر الصاوي وهناء محمد و رضوي عبدالله واحمد اللورد و اساتذتي اللي ليهم فضل عليا بعد ربنا اللي علموني حاجات كتير اوي في المسرح وبدايتي كانت من عندهم استاذ محمد خميس واستاذ طه حمدنا واستاذ سيد سعيد.