كفتة داود باشا مع المكرونه الاسباجتي
كتبت/الشاف سالي هاني

أكله سهله وسريعه ولذيذة
المقادير
الكفتة:
١/٢ كيلو لحمه مفرومه
بصله كبيره مفرومه ومعصوره من المايه
شوية بقدونس مفروم
ملح /فلفل/كمون/بهارات /كزبره ناشفه/نعناع..اختياري
يتم مزج اللحمه مع البصله والتوابل في بوله وتشكيلها علي شكل كور بحجم الليمون تقريباً ووضعها في صنيه بها ربع كوب ماء مغلي ونرش علي وشها معلقة دقيق(الخطوه دي هتخليها تستوي من غير ما وشها ينشف) وندخلها الفرن لمدة ربع ساعه علي درجة حراره عاليه ….او شوحيها في طاسه بها معلقتين زيت مع التحريك المستمر عشان ماتلزقش
صوص الطماطم:
١/٢كيلو طماطم مبشوره
٢ملعقة صلصه
مكعبين زبده ومعلقة زيت
بصله متوسطه مقطعه
٣فصوص ثوم مفروم
ملح /فلفل /بهار/كمون/كزبره ناشفه/نعناع(اختياري)
مكعب مرق
١/٢كوب ماء مغلي
يتم تشويح البصل مع الثوم ثم ننزل بالطماطم والصلصه والبهارات نتركهم عشر دقايق ثم ننزل بالماء يغلوا ننزل بالكفته..عشر دقايق ونطفي
المكرونه
نسلق الاسباجتي في ماء به معلقتين زيت وشوية ملح عشر دقايق نطلعها نغسلها ونحطلها رشة زيت
بالهنااااا