كتبت/الشاف سالي هاني
المكونات:
كيلو لحمه مفرومه
بصل
ملح فلفل اسود بهارات مشكلة
دقيق
٢ كوب مياه
زيت ومعلقتين زبده او سمنه
الطريقه :
هنبشر بصلتين وسط ونعصر منهم المياه خالص بتاعتهم ونحطهم في بوله ونحط عليهم اللحمه المفرومه والبهارات ونقلبهم كويس جدا وبعد كدا نعملهم كور صغيرة ونحطهم في دقيق وبعد كدا نجيب طاسه ونحط فيها معلقتين السمنه وشويه زيت ونقليهم نص سوي وبعد كدا نطلعهم ونقطع بصل ترنشات ونحطو في نفس الطاسه علي الزيت والسمنه يبقي البصل متحمر اوي ننزل عليه بالمياه وبعد كدا الكفته ونغطي عليها ونسيبها تستوى ونحط عليها التوابل وبالهنا والشفا
تقدم مع الارز الابيض والبطاطس المقلية وسلطة خضراء