ميني دونتس كيك
الشاف سالي هاني

المقادير:
٢ كوب دقيق منخول ٣ مرات
كوب الاربع حليب
كوب سكر
نصف كوب زيت او زبدة علي زيت
٣ بيضات
٢ كيس فانيليا
٢ معلقة صغيرة بيكنج بودر
رشة ملح
٣ معالق كبار كاكاو
الطريقة:
في الخلاط نحط البيض والسكر والفانيليا واللبن والزيت واضربيهم لمدة دقيقتين وبعد كدة نحط الخليط علي الدقيق ولازم نكون قلبنا الدقيق مع البيكنج بودر كويس ورشة الملح ونحط الخليط اللي ضربناه في الخلاط علي الدقيق ونخلط كويس جدا ونقسم الخليط في طبقين وعلي طبق منهم نحط ٣ معالق الكبار كاكاو ومعلقة حليب ونقلب كويس لحد ما يمتزج الكاكاو مع الخليط كويس ونجيب قوالب الميني دونتس ونحط فيها الخليط زي الصور بنحط بالمعلقة براحة جدا او ممكن نحط الخليط في كيس حلواني ونحط بيه وندخلهم الفرن علي درجة حرارة ١٨٠ من ٨ إلي ١٠ دقايق بالكتير اوي ونطلعها وبالهنا والشفا..
ممكن الخليط يتعمل فانيليا بس او شيكولاتة بس ويتزين بالشوكليت الالوان زي الدونتس المخبوز…