كتبت/الشاف سالي هاني
المرة دي بلحم ضاني.. حاجة كدة عظمة
الجماعة ال مالهاش ف الضاني.. وانا كنت منهم.. بجد جربوه بالاكلات الخليجي.. ال هي بتكون مطبوخ بالرز
المههههههم.. المكونات؛
لحم ضاني تبلتة ببهارات المندي وملح وصفار زعفران
وسيبته شويه
رز بسمتي.. ورقة لوري وفص حبهان وفصوص قرنفل وقطعة قرفه خشب واحدة لومي ومعلقة بصل مفروم
الطريقة؛
١شوحت البصل بمعلقة زيت.. وأما دبل حطيت كل التوابل ال مش مطحونة ثواني ونزلت بالرز وحطيت مقدار المية المناسب لكمية الرز وملح..
٢ غطيت الرز بورق فويل وخرمته وحطيت اللحم وغطيت بورق فويل
٣حطيته ف فرن البوتجاز ع الرف ال فوق لمدة ساعة وربع.. وبالف هنا