كتبت/سالي هاني
وعيش سوري وانا اعتبرت الرغيف السوري الرقيق خالص دة بيوازي نص رغيف عيش بلدي
الطريقة بقي ❤️:
صدور فراخ مخلية تبلتها بطماطماية وبصلاية مبشورين وملح وفلفل وليمون وبهارات وسيبتها نص ساعة
بعدين اديتلها صدمة في طاسة مش بتلزق بمسحة زيت زيتون وبعدين قطعتها شرايح وسيبتها علي جنب
في طاسة تانية حطيت معلقة واحدة زيت زيتون وشوحت شوية مشروم فريش بعده فلفل رومي مكعبات بعده بصل مكعبات بعده الفراخ واخر حاجة جزر مبشور وظبطت الملح والفلفل وسيبتهم خمس دقايق يشربوا طعم بعض
عملت الصوص
معلقتين زبادي معلقة طحينة معلقة مايونيز فص توم مفروم رشة فلفل اسود وبهارات وقلبتهم كويس
بعد كدة فردت العيش السوري وعليه معلقة من الصوص وبعدين الشاورما ولفيته وحمرته في طاسة مش بتلزق وبس كدة بالف هنا