كتبت/الشاف سالي هاني
المكوّنات:
🔹نصف ك صدور فراخ🔹
🔹بهارات الفراخ 🔹
ملعقة صغيرة من 👇
🔸بصل وتوم بودر🔸
🔸زعتر وجنزبيل 🔸
🔸قرفة ورشة حبهان مطحون 🔸
🔸بابريكا 🔸
🔸فلفل اسود 🔸
🔸ربع كوب زيت ورشة سكر 🔸
🔸مكونات الصوص🔸
2 علبة زبادى 🔸
🔸ربع كوب خل 🔸
🔸3ملاعق كبار مايونيز 🔸
2 ملعقة كبيرة طحينة 🔸
🔸تومة. واحدة فريش. مهروسة 🔸
عيش شامى مقطع ومنتنشف فى الفرن
أرز بسمتى
الخضار 👇
🔸بصلة مقطعة شرائح 🔸
🔸فلفل اخضر 🔸
🔸نصف طماطماية🔸
. خطوات العمل:
خلطت كل البهارات على بعضها وعليها ربع كوب زيت
حطيت الخلطة على الفراخ ياريت تسيبها فى التتبيلة ساعتين وياريت لو اكتر من كدة يكون احسن
اجيب طاسة واحط ٣ملاعق زيت كبار ولازم الزيت يسخن كويس واحط علية الفراخ وما اقلبها خالص عشان ما تنزل المياة بتاعتها ويبقى شكل الفراخ مش ظريف واول ما تاخد لون اقلبها
ولما اتأكد أن الفراخ استوت احط عليها البصل
ولما البصلة تدبل احط. الفلفل. والطماطم وياريت اهدى النار واغطيها لمدة ٣ دقايق
نحضر بقى الصوص الأبيض هنحط كل مكونات الصوص المايونيز والطحينة والخل والزبادي والتوم واقلبهم كويس اوى وعليهم رشة سكر
ودة الأرز البسمتى
نجيب كوبين ارز بسمتى انقعه ربع ساعة فماية سخنة واصفية وفحلة فيها معلقتين سمنة احمر فيها قرفة وكركم وانزل بالارز اديلة تقليبة واحط كوبين ماية سخنة والملح ولما تغلى الماية توطى النار حتى يتشرب ويستوى وتطفى عليه
نجيب سرفيس واول حاجة نحطها الأرز وياريت نخلية فى وسط السرفيس وبعد كدة نحط العيش فى الأطراف وفوق الأرز نحط الفراخ بحيث تبينى كل المكونات بتعتك وبعد كدة حطى قليل من الصوص الأبيض فوقها بشكل متفرق…. وبالف هنا