كتبت/الشاف سالي هاني
٢ بيضه+ معلقه كبيره خل +فانليا
كوب سكر
نص كوب زيت
كوب حليب
كوبايتين دقيق عليهم كيس بكنج بودر ورشه ملح
علشان الكيك يطلع فاتح كده فتحي وداااانك🦻
اول حاجه هنضيف البيض علي الخل والفانيليا والسكر وهنضرب بالمضرب الكهربائي خمس دقائق ضرب هتلاقي القوام زي الكريمه
ضيفي الزيت وبعدين الحليب واضربي💃
وبعدين انخلي الدقيق والبيكنج بودر عليهم وقلبى فاتجاة واحد
في صينيه مقاس 20 مدهونة ومرشوشة دقيق صبى الخليط و دخليها الفرن مسخن مسبقا على درجة حرارة ١٨٠ لمده نصف ساعه
بعد ما تبرد هنحضر الصوص الخطيييير ده 👇👇👇
🍊🍊كوبايتين عصير برتقال
هنضيف عليهم كيس كريم كراميل ومعلقه كبيره كاسترد
ممكن نستبدلهم ب٣ معالق نشا
والسكر حسب الرغبه
هنقلبهم عالنار لحد القوام ما يتقل
وننزل بيهم عالكيكه بارده والصوص سخن
دخليها بقي التلاجه ولما تخرج قطعيها
وبالهنا والشفا علي قلوبكم