مروه مصطفي
انطلقت امس فاعليات حفل تتويج Egypt little king &queen برئاسه الاستاذ محمد الطويل وقد صرح بالتالي : الحدث الأقرب إلي قلبي حفل تتويج Egypt Little Queen موسم 2022 والرسالة التي أفخر بتقديمها والمحتوي الذي أؤمن به والرصيد الذي أدخره
أشهد الله أنها معركة لا تنتهي ومحبطات لانهاية لها ولكنه إصرار مني علي عدم اليأس والإستسلام
مجرد مشاهدة مشاعر الحب في عيون بناتي وولادي والفخر اللي بحس بيه لما بشوف حد منهم متميز في حاجه بيصبروني كتير وبيدعموني نفسيا
من 2020 ومع بداية كورونا ولحد اللحظه دي وسوء أحوال السوق وندرة الرعاة بتحمل تكاليف الحدث كاملة وربنا بيقدرني برغم تأثير ده عليا بشكل كبير ولكني بعتبره التزام في حياتي لايجوز التخلي عنه
كل مره بقول كفاية كده ونعمل ستوب لحد ما الحال يتظبط وتيجي لحظة النجاح والفرحه تمسح عني كل إحباط وتخليني أجري ناحية الخطوة الجاية
عاوزكوا تعرفوا حاجه واحده بس اني بحارب الاسفاف والجهل وسوء السلوك ويركز علي محتوي راقي علميا وفنيا ورياضيا وأخلاقيا وسلوكيا وطبعا دينيا للمسلمين و المسيحيين سواء وبتقرب بالرسالة دي لربنا لعلها تكون في رصيد حسناتي وما أحوجني اليها
كمان كام يوم هنتوج ملكات جداد ونوزع ألقاب جديدة ونودع الجيل الأطول عشرة معانا عاوز أقول لهم بحبكوا جدا وهتوحشوني وخليكوا متواصلين معايا دايما وكلكوا مقربين لقلبي ومحببين جدا عندي وإن شاء الله يكون الكامب وحفل الختام أحلي ذكري لينا مع بعض Egypt Little King & Queen