نشر المطرب المصري احمد سليم عبر صفحته الرسميه عبر تطبيق انستجرام منشور يفتح قلبه لجمهوره يتحدث عن حياته الاجتماعيه ونشأته ودور الحب في حياته حيث كتب :
“حياتي بكل بساطه
انا الشخص الي من صغره مش بيهاب آي حاجه ولا بيهاب من حد اتولدت لقيت نفسي بحب المزيكا ومفيش حاجه غيرها شدتني في نفس الوقت الي اهلي عايزني اكون فيه ظابط وانا بقاوم عشان اكمل في المزيكا والحاجه الي بحبها .. انا الشخص الي عمري ما لجأت لحد ولا استغليت سلطه حد او نفوذه ولا بحب الوساطه وبتمني الخير لغيري قبل مني شخصيا …
بحب اعمل كل حاجه بنفسي من صغري وأتعب عشان اوصلها .. كان سهل عليا جدا اعيش من غير تعب واقول انا عايز كزا وكزا وكل حاجه هتجيلي بس اتعودت اني اعمل كل حاجه بنفسي واجازف واكسب خبره …. من الحاجات الي فادتني في حياتي اني درست Business Adminstration استفدت كتير منها في حياتي العمليه . بحب السفر والهدوء .
اتعلمت مصدقش الوعود الا لما تتحقق قدامي عشان مفيش أسهل من الكلام لكن مش كل الناس قادر تنفذ كلامها ووعودها
من ناحيه الحب . في يوم من الايام قررت اقفل علي قلبي واكمل حياتي من غير حب ولا شريك . بس مكنتش اعرف انه بييجي غصب عننا وفعلا حبيت لدرجه اني مكنتش متخيل الدنيا من غيرها ومع اسباب كتير في النهايه مكملناش بس لحد الوقتي لما بقعد مع نفسي وافتكر ذكرياتي الحلوه بكتشف أنها كانت معاها لدرجه بقيت اتجنب كل مكان روحناه مع بعض عشان مفتكرش حاجه ومن وقتها قررت اركز في شغلي وبس .
مريت بفترات كتير صحيا مش كويسه وقاسيه
من ناحيه الجانب الاجتماعي .. دخل حياتي ناس كتير بس اغلبهم كانوا بتوع مصالح وبس . مؤخرا نظفت حياتي من أشباه الاصدقاء حتي لو الاكتفاء كان بشخص أو اتنين بس يكونوا قد الثقه احسن من ألف واحد بيمثلوا.
يذكر ان أحمد سليم كان يستعد في الاشهر الماضيه في العمل علي ألبومه من إنتاج شركه لايف ستايلز ستديوز حيث يستكمل في الفتره الحاليه التحضيرات لطرح اغاني الالبوم في الفتره المقبله.
يذكر ايضا انه قد انتهي من اسابيع قليله من تصوير اغنيه جديده بعنوان ” قمر ” من الالبوم في لبنان تحت اداره المخرج اللبناني فادي حداد