الشاف سالي هاني
اولا الفراخ:
هنتبلها بملح و فلفل و رشه كركم و نحط عليها ملعقه كبيره نشأ و معلقه كبيره دقيق و ربع كوبايه مايه
و نجيب طبق نحط فيه ٤ م كبيره دقيق و معلقه كبيره نشأ و ملح و فلفل… و ننزل بالفراخ ع الدقيق و بعد كده نحمرها
ثانيا الصوص:
نجيب طبق و نحط فيه ٤ م كبيره كاتشب و معلقه كبيره صويا صوص و ٢ م كبيره سكر و ٢ م كبيره خل و رشه ملح و فلفل… و هندوب نص معلقه صغيره نشأ في ربع كوبايه مايه و ننزل بيهم ع الصوص و نقلبهم….
هنجيب طاسه و نحط فيها شويه زيت صغيرين و فصين توم و رشه زنجبيل و بعدين ننزل عليهم بالصوص لمده دقيقتين و بعد كده نحط الخضار (كوسه و جزر و فلفل أخضر و الوان (
و اسيبهم دقيقتين و بعد كده أضيف الفراخ و اسيبهم دقيقين ولو حابين ممكن تزودوا شويه من الصوص او شويه مايه
المكرونه.. علشان نعملها هنجيب طبق نحط ٤ م كبيره صويا صوص و م كبيره كاتشب ورشه ملح وفلفل و نذوب نص معلقه صغيره نشأ علي ربع كوبايه مايه…. و هنجيب طاسه و نحط فيها فصين توم ورشه زنجبيل و نحط شويه من الخضار و بعدين الصوص و اول ما ياخدوا غلوتين نحط المكرونه و نقلبهم وبالهنا و الشفا