كتب/الشاف سالي هاني
بجد اكتشفت اني كنت بضيع وقت وكنت بهبط
المقادير؛
٥كوب دقيق
٢كوب وربع ميه
معلقتين زيت
معلقة سكر
رشة ملح وعصرة ليمون
عجنت وسيبت العجينه ترتاح نص ساعه تقريبا
عملتها ٣ كور صغار و٣ كبار
كل فطيره عباره عن كورة صغيرة وكورة كبيره
تدهني الرخامه عندك زيت وتبططي الكرة الصغيره وبتتفرد معاكي بكل سهوله بسبب الزيت ع الرخامه وادهنها من فوق واقفلها زي الظرف واشيلها ع جنب
بعدين افرد الكوره الكبيره وامط وبعد ما كبرت خالص ع الرخامة افضل ارفعها من كل جانب كأني بفصلها عن الرخامة.. واسيبها تاني. عشان ادخل ليها هوا بينها وبين الرخامه.. وادهنها بالزبده من فوق
بعد كدة احط الظرف الصغير ال كنت عملته.. احطه ف نصها.. بيكون زي قاعده للحشو.. واحط اي حشو انا عاوزاه او موجود عندي.. لحم معصج ماشي.. فراخ ماشي.. تونه ماشي جبنة ماشي.. ابدعي براحتك
واقفل العجينه بق زي الظرف فوق الحشو.. وادهني الصنيه زيت.. انا عملته ف الطاسة.. وطلع تحفة.. بس طاسه بغطا.. تدهنيها زيت وتحطي العجينه مقلوبه.. يعني القعده ال كنتي عملاها بتكون هي فوق.. وتسيبيها ترتاح حوالي تيلت ساعه وبعدين تبططي وهي ف الطاسه وتفرديها كتر وتكبر شويه.. بعدين اهدي النار من ٧ ل١٠ دقايق ع كل جانب
هو الكلام كتير بس بجد التنفيذ ولااااااااا أسهل من كده وهتنبهري.
جروب يوميات ست الستات
اعداد ايمان ام إبراهيم
اشراف م. ايمان خلف