كتبت/الشاف سالي هاني
طريقه اللحمه:
بتقطع اللحمه قطع مش كبيره ومش صغيره وبنجيب حله ع النار فيها معلقه سمنه ومكعب مرقه لحمه وننزل عليهم باللحمه تاخد صدمه وعليها بصلايه متقطعه صغير شويه ونضيف رشه فلفل اسود وبهارات مشكلة ونسيبها تتشوح شويه وبعدين ننزل عليها بمياه سخنه ومعلقة خل ومعلقة سكر يدوب تغلى غلوتين ونضيف عليها الملح ونطلعها من الشوربه وبعدين نكون مقطعين خضار ( بطاطس وبصل وطماطم وفلفل اى خضار حسب رغبتك ) ونضيف عليهم التوابل وشويه زيت ونقلب اللحمه فيهم ونحطها في الكيس الحرارى وفى صنيه وتدخلها الفرن تستوى .
الرز بقي:
بفرم بصله وطماطمايه وبشوحهم في شويه زيت وأحط التوابل المشكلة تتحمر
وانزل بالارز بسمتى منقوع ربع ساعه واصفيه و اقلب يتشوح شوية ع كل كوبايه رز بسمتي كوبايتين مياه أو شوربه وانزل الرز واسيبه يستوى مع بعضه ولما يستوى واغرف اضيف الزبيب والمكسرات المتحمرين