The Buzz Magazine
The Buzz Magazine

رضوى الشربينى تنهارعلى الهواء فى أول ظهور لها بعد وفاة والدتها: اختبار صعب

رضوى الشربينى تنهار  على الهواء فى أول ظهور لها بعد وفاة والدتها: اختبار صعب
رضوى الشربينى تنهار على الهواء فى أول ظهور لها بعد وفاة والدتها: اختبار صعب

كان عندى كابوس لمدة 50 يوم، مش قادرة ومش عاوزه أتكلم عن تفاصيله دلوقتى، أتكلم عليها لما اقدر أتكلم عليها هتكلم عليها، لكن إحنا كان لازم نطلع، لأن عندنا رسالة، والرسالة دى لازم نكملها، كمان كان لازم أطلع عشان أنا هى هى نفس الست اللى قعدت 5 سنين تقولكم إن مع العسر يسرا، وإن مهما حصل ومهما الواحد مر بحاجات مش كويسه، لكن ربنا موجود.

اختبار صعب، والحياة امتحان، كل واحد فينا عنده امتحان شكل، وكل واحد فينا بيمتحن قدر استطاعته، لكن أنا هى هى الست اللى كانت بتقولك هتعدى، وأنا كمان متأكدة إنها هتعدى، بالصبر والدعاء والصلاة هتعدى، وأنا طالعة النهاردة رغم إن كان عندى الاختيار إنى مطلعش وإنى استنا لحد بعد رمضان، بس أنا صممت إنى أطلع، عشان زى ما بشجعك أنا كمان بشجعنى”.

كم الدعوات الكتير لأمى وهى عايشة وهى ميتة، لو كنت عملت فلوس كتير أو بقيت ملكة الدنيا مكنش هيحصل، ناس كتير وقفت جنبى أهلى وأصحابى أشخاص ربنا سخرهم عشان يكونوا حزء من اليسر، إحنا بشر وكل واحد بيحصلوا حاجات لازم يصبر عليها ويستحملها حتى لو كان العقل مش مستوعبها والقلب مش مستحملها، لكن ربنا قال وبشر الصابرين، فإحنا لازم نقول الحمد لله ونصبر

إشترك في نشرتنا الإخبارية
اشترك معنا للتوصل بآخر الأخبار، المقالات والتحديثات، ترسل مباشرة لبريدك الإلكتروني
يمكنك سحب اشتراكك متى شئت

اترك رد

لن يتم نشر عنوان بريدك الإلكتروني.