صنية جلاش باللحمة المفرومة

كتب/الشاف سالي هاني

صنية جلاش باللحمة المفرومة تحطيها فى كيس بس تشيليها من غير لبن وبيض ولما تخرجيها من الفريزر تسيبيها لما تفك وبعدين تحطى كوباية اللبن بالبيض

أو تعملى اسبرنج رول بالخضار وتفرزية وتطلعية على التحمير
الكرنب قطعية حتت صغيرة
بصل
فاصوليا خضرا
بسلة
جزر قطعية مكعبات صغيرة او مبشور
كوسة قطعيها بالطول و خلية سمبوكسة كدة
معلقة صويا صوص وماتكتريش عشان مالح
ملح
فلفل اسود
كارى
جنزبيل فريش مبشور لو عندك او مطحون
لفة جلاش
نشا
ممكن تزودى معاهم لحمة معصجة وجبن موتزريلا او بشر رومى لو عندك
قبل اى حاجة نسلق الجزر والفاصوليا والبسلة نص سوا
نحمر البصل بالبهارات والفلفل الاسود
حطي الفاصوليا والبسلة والجزر والكرنب من غير الكوسة وعليهم الصويا صوص والكارى
حطي الكوسة أخر حاجة لأنها بتستوي بسرعه
سيبيهم يستوى وتشرب كل ميتها وسيبيها تبرد بعد التسوية
قطعى نصين و حطيهم فوق بعض وبعدين قطعى الجلاش الثلث والثلثين او تقطعى الجلاش على ثلاثة او اربعة بالطول وتحطى واحدة طول وواحدة عرض و تحطى عليها الحشوة بتاعتك وتلفيها كانك بتلفى صباح محشى ورق العنب وتقفلى من الجناب وتقفليها فى الاخر بنشا علية مية عشان تلزق معاكى
تحطى لقى الرول فى نشا وتنفضى النشا منها بعد كدة
تقلى فى زيت سخن غزير
لو هاتخزنيها يلقى تقليها نص تحميرة وتشليها تبرد وتحطيها فى اكياس فى الفريزر وتخرجى من الفريزر تكملى تحميرها عادى

• جهزى صنية باشميل تحطيها فى كيس وتخرج من الفريزر تفك وتحطيها فى الفرن
• جهزى صنية كفتة تحطيها فى كيس وتخرجيها من الفريزر تسيبيها تفك وبعدين تحطيها فى الفرن وتجهزى الفحم اول ماتستوى تحطية فى الصنية
• إعملى كفتة بالرز تحمريها وتشيليها فى اكياس فى الفريزر وتخرجى من الفريزر تحطيها فى الصلصة
• إعملى عجينة البيتزا وتخرجيها من الفريزر تستنى لما تفك وتحطى عليها الجبن الرومى المبشور وكل ال إنتى عاوزاة وبعدين تحطيها فى الفرن
• اعملى ممبار واسلقية وسوية عادى جدااا وبعدين تصفية من الشوربة بتاعتة وتشيلى الرز ال علية بإيدك كدة وتعبية فى اكياس فى الفريزر واول ماتخرجية من الفريزر تسيبية يفك وتحمرية ولو عاوزة تشيلية نص سلقة يبقى تشيلي فى كيس الشوربة بتاعتة ولما تخرجية تكملى تسوية وتحمرية عادى جدااا
• جهزى البانية بالتتبيلة وتحطية فى أكياس فى الفريزر ولما يخرج من الفريزر إستنى لما يفك وتحطية فى الدقيق وبعدين بيض وبعدين فيجيتار
• جهزى السمك تغسلية وتتضفية وتبلية وتحطية فى اكياس فى الفريزر وتخرجى من الفريزر وتسيبية يفك ويادوب تعفرية بالدقيق وتقلى فى الزيت
  تجيبى سمك باساريا أو بربونى صغير تبلية وشيلية جاهز فى الفريزر ولما تخرجية من الفريزر تسيبية يفك وبعد كدة تعفرية بالدقيق وتدهنى صنية زيت وترصى السمك الصغير دة فية وتحطية على البوتوجاز على نار متوسطة وتغطى الصنية ولما يتحمر من تحت تقلبى الصنية على غطا حلة وتدهنى الصنية تانى زيت وترجعى السمك تانى فى الصنية ولما يحمر تقلبى الصنية فى طبق التقديم وهاتلاقية احلى من القلى فى الزيت
• جهزى الحواوشى تعملى كام رغيف تسوى يومها على قدكم والباقى تشيلية فى أكياس فى الفريزر بس تشيلى كل رغيف فى كيس ولما تخرجيهم من الفريزر تستنى لما يفك وتحطى شوية زيت صغيرة فى طاسة على نار هادية وتحطى الحواوشى فيها وقلبية من الناحيتين
• جهزى الكبدة بتبليها وتشيليها جاهزة فى الفريزر وتخرجيها من الفريزر تسويها فى السمن
• جهزى الخرشوف وتخزنية فى الفريزر فى أكياس ولما تطلعية يادوب تحطية فى مية للسلق وبعدين تحشية اللحمة المفرومة
• جهزى الكرنب وورق العنب وخلطة المحشى
  تسلقى الكرنب دقيقة واحدة وتحطية فى أكياس فى الفريزر وتخرجية من الفريزر تسيبية يفك وبعدين تحشى على طول وطبعا خلطة المحشى جاهزة ومتفرزة فى الفريزر
• جهزى القرنبيط بتسلقية دققتين وتحطى كل كام وردة منه فى كيس وتخرجى من الفريزر على التتبيلة والقلى
• الملوخية بقى بتعمليها عادى جداااا وقبل ماتحطى طشة التوم تغرفى شوية منها على قدكم تطشيها بالتوم والباقى تحطية فى اكياس فى الفريزر ولما تخرجيها من الفريزر أعمليلها الطشة
• جهزى الفاصوليا البيضا أواللوبيا (بتحطيها فى مية وتسيبها يوم عشان تطردى الغازات منها وبعدين تسلقيها نص سلقة وبعدين تحطيها فى أكياس فى الفريزر ولما تخرجيها من الفريزر تحطيها فى مية مغلية تتسلق عشر دقايق وبعدين تحطيها فى التقلية بتاعتها تشوحيها ولما تخرجيها من الفريزر تزودى الشوربة وتكمل سواها وممكن تشيليها مسلوقة جاهزة براحتك
• قشرى توم وتشيلية فى الفريزر فصوص سليمة ولما تحتاجى ثوم تخرجيه من الفريزر على قد إحتياجاتك
• أما البصل بقى تحمرى يجى 2 ك كدة تقريبا واول مايدخل البصل على اللون الذهبى تطفى علية وأول مايبرد تعبى فى أكياس فى الفريزر ولما تحتاجى تخرجية من الفريزر وتكملى تحميرة
• خزنى الحمة معصجة فى أكياس فى الفريزر
• خزنى البانية متبل جاهز فى الفريزر
• إعملى حواوشى وشيلية فى اكياس فى الفريزر تخرجية يادوب يفك وتسوية
• لو بتحبى تعملى عدس كتير يبقى تعملى العدس عادى جداااا وقبل ماتضربية فى الخلاط او بالهاند بلاندر تشيلية فى اكياس فى الفريزر ولما تخرجي الكيس من الفريزر تسيبية يفك وبعدين تضربية وتكملى التسوية هاتلاقية كأنك لسة عاملاة حالا
• وانتى بتعملى كل يوم خضار اول مابتحطية على التسبيكة يتشوح تشيلى منة شوية على قد اكلك وزودى علية شوربة لاكل اليوم والباقى ال حطتية على الصلصة ولسة مازودتيش له مية او شوربة إستنى لما يبرد وحطية فى اكياس فى الفريزر ولما تخرجية من الفريزر يادوب تزودية شوربة وملح وبهاراتك وهاياخد سوا على النار اقل من الوقت العادى وهايطلع كانك لسة عاملة الصلصة وجايبة الخضار من السوق
• تخزين البامية الخضرا
  افضل طريقة لتفريز البامية بعد تجارب كتيررر انك بعد ماتغسليها وتقمعيها تحطيها فى التسبيكة بتاعتها تتشوح من غير مية ولا شوربة ولا اى حاجة وبعد ماتشوحيها فى التسبيكة تطفى عليها وتسيبها تبرد وتحطيها فى اكياس فى الفريزر ولما تخرجيها تكونى سويتى اللحمة فى التسبيكة تلت تربع سوا وتزلى عليها بالبامية مجمدة وتكملى بقى باقى خطوات التسوية
• وإنتى بتعملى كريب زودى كام واحدة على قدكم وبعد ماتشيليها من الطاسة غطيها بفوطة وسيبيها تبرد وبعد كدة حطى بين كل واحدة والتانية كيس ( هاتى كيس وقطعية بالمقص نصين وافردية هايبقى طويل قصية بقى على مقاس الكريب ) وبعد ماتخلصى رصة الكريب فوق بعضة وبين كل واحدة والتانية كيس حطيهم فى طبق فويل وغلفيهم بنايلون استرتش او حطيهم فى كيس كبير وخزنى كمان شاورما فراخ او لحمة أو بواقى نساير الفراخ او بواقى البانية ال فاضل عندك بعد الأكل وحطى كل نوع فى كيس ولما تحبى تعملى كريب تخرجى الكريب من الفريزر واكياس الشاورما او البواقى دى ال خزنتيها وتسيبيهم تفك وبعد كدة تحشى الكريب
• تبلى الفرخة ال هاتشويها فى الفرن وحطيها فى كيس حرارى وتدخليها الفريزر ولما تخرجيها من الفريزر سيبيها تفك وبعدين اقطعى حتة من طرف الكيس ودخليها الفرن
  خدى بالك تبقى تمسحى الكيس الحرارى من جوة بزيت عشان لما تخرجيها من الفريزر وتدخليها الفرن ماتبقاش تلزق منك
  ولو هاتعملى فراخ تندورى تبليها وشليها جاهزة
• ممكن كمان تخزنى الفراخ الشامورت جاهزة للتسوية
  بتغسلى الفراخ والرز بتسوية نص تسوية
  تشوحى بصلة اول ماتدخل على اللون الذهبى تحطى القوانص والكبدة تشوحيهم مع البصلة وبعد كدة تنزلى عليهم بالرز تقلبيهم معاهم دهيقة كدة وتحطى عليهم مية مغلية من الكاتيل وملح وفلفل اسود بس عيار المية اقل من الرز العادى يعنى المية تكون يادوب لغاية وش الرز واول ماتلاقى المية بتغلى توطى علية وتسبيية يستوى هاتلاقية استوى نص سوا عشان المية قليلة
  تستنى لما يبرد وتحسى الفرخة بية
  وحطيهم فى اكياس فى الفريزر وتخرجى من الفريزر تحطيهم فى المية المغلية وهى متجمدة ودة بيسهل عليكى كتير
• لما تلاقى الليمون رخيص هاتى وشيلية فى اكياس فى الفريزر زى ماهو سليم ولما تخرجى من الفريزر تسيبية 5 دقايق يفك وهاتلاقية كانك لسة شارياة وكمان الطماطم خزنية سليمة افضل
• لو بتحبى المسقعة هاتى بدنجان رومى وقطعية وهاتى صنية وادهنيها زيت خفيف ورصى فيها البدنجان وبالفرشة امسحى على وش البدنجان ودخلية الفرن يحمر ولما تخرجية سيبية يبرد وعبية فى اكياس وحطى معاه فلفل مقلى وبطاطس مقلية واقفلى الاكياس وحطيها فى الفريزر ولما تخرجيها سيبيها تفك واعملى صنية المسقعة
• على فكرة احلى مربى هى مربى البدنجان الرومى وهاتدعيلى لما تعمليها وهاتعجب ولادك :
  بتجيبى 2 ك بدنجان رومى تقشرية وتقطعية قطع صغيرة معاهم 1 كيلو سكر وبشر واحدة جزر وبشر قشرة واحدة يوسفى وبشر قشرة ليمونة وعصر ليمونة وقرفة وسيبية ساعة لغاية ماينزل الماية ال فية وبعدين حطية على البوتوجوجاز بالمية ال نزلت منه ووطى النار علية وسيبية لغاية مايتقل وإطفى علية
  لو بعد ماستوى لقيتى القطع ال انتى مقطعاها كبيرة اهرسية بالهراسة او بقعر كوباية مش بالهاند بلاندر ولا بالخلاط عشان لما بيبقى ناعم مش بيبقى حلو
  خدى بالك تشترى البدنجان الرومى ال مافيهوش بذر وهتلاقى لينك الشرح موجود فى الموضوع
• تفريز البيتزا
  البيتزا الى هتفرزيها فى الفريزر عجينة حطى مع الخميرة والسكر والملح والدقيق بكنج بودر عشان لما نخرجها من الفريزر تبقى فيها فراغات وهشة
  لكن لو هاتعمليها فى وقتها ماتحطيش بكنج بودر
  كيلو ونص دقيق هايعمل معاكى تقريبا 11 واحدة
  3 معالق سكر
  معلقة كبيرة ملح
  معلقة صغيرة بكنج بودر عشان لما تفرزيها تبقى هشة معاكى لكن لو مش هاتفرزيها يبقى بلاش بكنج بودر
  معلقتين كبار خميرة بودر
  تعملى العجينة عادى وتسيبيها تخمر عشر دقايق كدة وبعدين تقطعيها على حسب كل حتة تاخد صنية
  تجيبى طبق فيبر وتدهنيها بالزيت وتحطى العجينة فى الطبق وتدهنى وش العجينة بالزيت عشان ماتلزقش وتغطيها باسترتش وتسيبيها ساعة تقريبا عشان تخمر تانى وبعد كدة حطيها فى الفريزر
  لما تيجى تستعمليها تخرجيها من الفريزر وتسيبيها تفك وتتعاملى معاها عادى بقى وتفرديها وتخرميها بالشوكة وتحشيها عادى
• قبل رمضان بيوم بتبدأ الافران تعمل القطايف والكنافة فتعملى شربات وتشلية فى التلاجة وتجيبى الكنافة وتحطى عليها سكر وسمن وتحمريها ولما تبرد شيليها فى اكياس فى الفريزر وتخرجى الكيس منها تفردى نصفة فى الصنية وتحطى عليها مهلبية او كاستر وقطع مانجه وبعدين تحطى النص التانى وتدخليها الفرن وتخرجيها من الفرن تحطى الشربات وتبقى سهلتى على نفسك خطوة
  وتحيبى القطايفة تحشيها وتشليها فى الفريزر وتخرجى منها يادوب تحمرى وتحطى عليها الشربات او سكر او عسل نحل و مش هاتاخدى وقت فى عمل اى حاجة
• تخزين الخضار والفاكهه فى الموسم بتاعها وتعملى منها
  عصير برتقال بيور من غير سكر
  جزر تسلقية وتشيلية جاهز للعصير
  جزر تقطعية وتشيلية فى الفريزر للعدس او البسلة او للشوربة
  بنجر تسلقية وتشيلية جاهز للعصير
  تعملى كركدية ثقيل وتصفية وتشيلية جاهز يادوب تزوديلة مية وسكر وتعملية عصير أو مهلبية كركدية
  تجيبى كيس وتحطى فيه فراولة وموز واناناس وتشيلى معاهم برتقالة سليمة لما تخرجيهم من الفريزر ( على فكرة جربت وخزنت برتقال سليم ولما طلعتة من الفريزر قشرتة عادى جدااا وفصصتة وزى الفل ) تقشرى البرتقالة وتقطعى عليهم الفصوص وتعملى فروت سلاط وتكملى عليها باقى الفاكهه او تعصريهم مع بعض
  تجيبى نعناع اخضر وتحطية فى مكعبات الثلج وعليهم مية عشان تستخدمية لعصير ليمون بالنعناع
  فراولة تنظفيها وتشيليها جاهزة للعصير
  موز تخزنية بقشرة للعصير ولما تخرجية من الفريزر تقشري القشرة وهو متجمد وتقكعية وهو متجمد وتحطية فى الخلاط وهو متجمد وعلية لبن وسكر ومية وتعصرى علية ليمونة عشان مايسودش وهاتلاقية كانك لسة شارياة وعاملاة
  اناناس تقشرية وتقطعية وتعبية فى اكياس جاهز للعصير
  مانجة تجهزيها للعصير
  جوافة تغسليها وتشيلى البذر منها بمعلقة وتشليها جاهزة فى الفريزر للعصير
  رومان برضة تكونى شايلاه جاهز للعصير
  وبالتالى بتكونى مخزنة كل حاجة جاهزة
  ويبقى تعملى فى رمضان عصاير
  بلح باللبن
  تمر هندى الاسوانى بغلية واهرسة واعصرة
  كركدية
  عصير برتقال بيور او بالجزر
  عصير كنتالوب
  عصير رمان
  عصير بنجر بالجزر
  عصير برتقال بالنعناع الفريش وعليهم معلقة فانتا نعناع
  عصير ماتجة
  عصير موز
  عصير دوم
  عصير جوافة
  عصير فراولة
  عصير قمر الدين
  خزنى طماطم سليمة زى ماهى افضل من المعصورة دة طبعا لو عندك ديب فريزر