كتبت الشف سالي هاني
الطريقه:
اول حاجه هنحط الكنافه ف الثلاجه لحد ماتتجمد وبعدها نفرمها ف الكبه
وبعد كده جبت كوب سكر بودر وفركت بيه الكنافه وجبت كوب الا ربع سمنه كريستال صفره وربع زيت وفركت بيهم الكنافه
وجبت صنيه ودهنتها سمنه وحطيت نص كميه الكنافه وضغط عليها جامد
الحشو :
2 كوب لبن وعليهم 4 ملاعق لبن بودر بيفرق ف الطعم جدا وعليهم ٤ملاعق نشا ٣ملاعق سكر بودر ورشه فانيليا ونرفعهم ع النار ونقلب ب استمرار لحد مالقوام يجمد وبعد كده نشلها من ع النار نسبها تهدأ تماما ونحط عليهم علبه قشه اختياري بس بتفرق
ونحط الحشو ع الكنافه وهنعمل جوانب بالكنافه علشان الحشو مطتلعش بره ونحط بقيت كميه الكنافه ونضغط خفيف
هندخلها الفرن ع اخر رف علشان مش تنشف
ولما نلقي الجوانب اخدت اللون ده
هنجيب صنيه تانيه نحطها فوقيها زي الغطا وهنقلبها ف الصنيه ونحطها تاني ف اخر رف بردو اول ماتطلع نحط عليها شربات وبالهنا