The Buzz Magazine
The Buzz Magazine

طريقه الليمون المخلل السريع

كتبت/الشاف سالي هاني

طريقه الليمون المخلل السريع
طريقه الليمون المخلل السريع

المقادير:

١ كيلو ليمون
ربع فلفل أخضر حار
٢ حبه فلفل رومي احمر
٢ حبه جزر متوسطه
كيس ملح صغير
معلقه صغيره سكر

الطريقه:

نغسل الليمون ونشق الليمونه من فوق زي علامة ال X ونضعه في حله ونضع الميه تغطي الليمون ونغليه لمده ١٠ دقايق ونشيل الليمون من الميه ونسيب الليمون يبرد ونخلي الميه اللي سقلنا فيها الليمون ونسيبها تبرد
نضرب الجزر والفلفل الرومي الأحمر في الكبه وبعد كده نقلب عليهم كيس ملح صغير خشن وناخد ليمونه ونحشيها زي الليمون المعصفر من خلطه الجزر والفلفل الأحمر والملح ونضعه في برطمان نضع جزء ليمون وجزء فلفل حار مقطع لحين تخلص كميه الليمون والفلفل واخر حاجه يكون الفلفل الحار وباقي خلطه الجزر والفلفل على وش برطمان الليمون ناخد جزء من الميه اللي سقلنا فيها الليمون بعد مابردت نضع فيها ٣ معالق ملح ونقلبهم
ونضعهم على الليمون ونضع معلقه صغيره سكر على الليمون ونضع كيس تلاجه ونقفل غطا البرطمان كويس
ونفتح عليه بعد ٥ ايام ويبقي احلى ليمون مخلل
وممكن نتركه يومين كمان

إشترك في نشرتنا الإخبارية
اشترك معنا للتوصل بآخر الأخبار، المقالات والتحديثات، ترسل مباشرة لبريدك الإلكتروني
يمكنك سحب اشتراكك متى شئت

اترك رد

لن يتم نشر عنوان بريدك الإلكتروني.