الشاف سالي هاني
لعجينة السينابون. بتحتاج كوبايتين ونص حليب دافي وست كوبايات دقيق وفنجان شاي سكر يعني حوالي تلتين كوب ونص كوب زبده وربع كوب كريم شانتيه وبيضة ومعلقتين خميره ونص معلقه صغيره فانيليا
اول حاجة تاخدي نص كوبايه من الحليب الدافي وتحطي عليه معلقتين صغيربن سكر ومعلقتين صغيربن خميره واخلطيهم كويس وتغطيهم وتسيبيهم يخمرو والخطوه دي مهمه عشان تختبري الخميره
بعدين تجيبي طبق وتحطي فيه الحليب ونص مقدار الزبده والخميره والسكر والبيضه والفانيليا واخلطيهم كويس جدا لحد ما الزبده تدوب
تضيفي الدقيق وتعجني بمعلقة لان العجينة بتلزق بسبب الكريم شانتيه ولو احتاجت لدقيق حطي كمية صغيره بكميه صغيره لحد ما تحصلي عاى عجينة ملمسها بيلزق شويه بس بتقدري تخلصي ايدك منها ضيفي باقي مقدار الزبده واعجني كويس لحد ما تحصلي على عجينة ملساء ومطاطية
غطي العجينة وسيبيها تختمر لمدة ساعة او لحد ما يتضاعف حجمها
افرديها على طاوله مرشوشه بالدقيق وافرديها على شكل مستطيل
الحشوه عباره عن نص كوباية سكر ومعلقتين قرفه ومعلقتين كاكاو بودر وربع كوب زبده
ادهني العجينة بالزبده ورشي عليها خليط السكر والكاكاو والقرفه واضغطي بايدك
لفي العجينه على شكل رول وقطعيها بالسكينة زي الصوره اللي عندك
رصيهم في صنية مدهونه بالزبده ومبطنة ورق خبز ويكونو بعيد عن بعض
غطيهم لحد ما يخمرولمده ساعة
دخليها يتخبزو على فرن متوسط الحراره من تحت بس لمده ١٥ او ٢٠ دقيقة
طلعيها بيكون لونها فاتح
ورشي عليها صوص كراميل او شيكولاته بيضاء او بني
طريقة الصوصات نزلتها قبل كده في بوست وفيديو بيشرحها
وبالف هنا وشفا على قلبكم❤️❤️❤️❤️