كتبت/الشاف سالي هاني
الطريقه:
هنجيب كيلو سمك فيليه
ونقطعو شرائح طويله ونحط عليه فصين توم مفرومين ونص لمونه وبهارات مشكلة
ونسيبو شويه
ونجيب بوله واسعه ونحط فيها نص كوب دقيق ونحط عليهم ملح وبصل بودر وتوم بودر وجنزبيل مطحون ونحط عليهم مياه لحد مايبقي زي البشاميل كدا تخين ونحط فيه السمك ونشيلو في التلاجه ساعه كدا وبعد كدا نطلعو ونحط في دقيق بس ونقلي وبالهنا عليكم
الارز بقي:
نبشر جزره ونسيبها علي جمب
ونجيب حله نحط فيها معلقه سمنه كبيره وشويه زيت ونحط الرز ونقلبو شويه ونحط عليه الجزر والملح ونقلب تاني شويه وبعد كدا نحط المياه المياه تغلي نوطي لغاية ميتشرب مايته ويستوى ونطفى عليه يقدم الارز مع السمك وبالهنا